Hegazti gripeaz Frantziako Gobernuak egin duen kudeaketa salatu du ELBk
Animalien osasunaz arduratzen den DDPP departamendu mailako zerbitzuak Pauen dituen bulegoak okupatu dituzte ekainaren 8an, ELBk eta Biarnoko Modef eta Confederation Paysanne sindikatuek ere. Poliziak kanporatu ditu.
"Politika sanitarioen benetako aldaketa" eskatu dute etxalde ttipien ordezkari diren ELB, Modef eta Confederation Paysanne sindikatuek, ekintza baten bidez ekainaren 8an. DDPP departamendu mailako zerbitzuak Pauen dituen bulegoak okupatu dituzte, baina laster kanporatu ditu Poliziak.
Sindikatuen deiari erantzunez, 40 bat laborari elkartu dira ostegun honetan DDPParen egoitzaren aitzinean. Urtero errepikatuz doan hegazti gripearen hedapenari begira Frantziako Gobernuak harturiko neurriak ez dituzte onartzen, etxalde ttipien eta laborantza herrikoiaren kaltetara doazelako. Azkenean, agroindustriaren alde doazen aterabideak dituzte ikusten orain arteko politika sanitarioetan. Sindikatuek ohartarazten dute hegaztiak ezin direla beren eremu hetsietatik atera, baina ondotik, eritasunaren hedapena gelditzeko neurririk ez dela: "Administrazioak gune kutsatuetarik eremu sanoetara eramaten ditu abereak, kutsatuak diren guneen eta hiltegiaren artean diren etxalde guziak arriskuan jarrita". Osasuntsu diren milioika hegaztiren hiltzea dakarren prebentzio-politika ere salatu dute sindikatuek.
Gaurko egunean, Ipar Euskal Herriko, Biarnoko, Landetako eta Gers departamenduko 80 bat hazkuntza dira kutsaturik eta kutsadurak erritmo handian doaz zabalduz.
Azken urteetan errepikatzen den gaitza dute hegazti gripearena laborariek. Frantziako Estatuak bideratu aterabideak –hegazti guzien hilketa prebentiboak eta kabalak barnean atxikitzea– gogorki gaitzesten ditu ELB sindikatuak. Egoeraren larritasunaz ohartarazteko eta... [+]
ELBk berriz ere bere arrangurak agertarazi ditu hegazti gripeari begira. Euskal Herriko Laborarien Batasunak jakitera eman duenez, iragan hiru asteetan 70 kutsadura kasu aitortu dira Aturri arroko etxaldeetan, horietatik 50 Gersen, hemezortzi Landetan eta bi... [+]
Ehundik gora lagun elkartu dira Ilharren (Nafarroa Beherea) Bidarteberria etxaldearen aitzinean, zerbitzu sanitarioko ordezkariei bidea mozteko. Hegazti gripearen testuinguruan, 200 ahateren hiltzea oztopatzea lortu dute.
Kanpoan hazten diren hegaztiak hiltzea da Frantziako Gobernuak darabilen estrategia, hegazti gripeari aurre egiteko. Euskal Herriko Laborarien Batasunak (ELB) ohartarazi du estrategia hori antzua dela eta etxalde txikiek ez dituztela kudeaketa txarraren ondorioak pairatu behar... [+]
Nafarroa Beherean, Akamarreko etxalde batean H58N birusa edo hegazti gripea atzeman dute bertako ahateetan. Etxaldeko ahate guztiak hil dituzte eta gripea zabaldu daitekeen beldur, Akamarretik 10 kilometroko eremuan neurriak hartu ditu Pirinio Atlantikoetako Departamenduko... [+]