Espekulazioaren kontra errepideak moztu dituzte Donibane Lohizunen eta Baionan

  • Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak izan dira ekintza deitu dutenak.


2023ko abuztuaren 29an - 10:03
Azken eguneraketa: 16:10
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Senpereko Olha etxearen espekulazioa salatzeko deialdia egina zuten goizeko 10:00etan hainbat kolektibok. Traktoreen laguntzaz Donibane Lohizuneko geltoki pareako errepidea, Baionako Sutar biribilgunea eta A63 autobidera ematen duen biribilgunea moztu dituzte.

Ostia Sarea, Euskal Laborarien Sindikatua (ELB), Lurzaindia eta Senperetarren kolektiboa izan dira mobilizatzera dei egin dutenak. "Egiazko laborantza herrikoia" eta "Senpere ez da salgai" izan dira erabili dituzten leloak, besteak beste. Poliziak dispositibo handia zabaldu du; helikopteroa eta kamioi asko gerturatu eta manifestariak oztopatu ditu, elkarteok salatu dutenez.

Kontzientzia hartzea

"Olharen historia buka ezina den kronika baten atal berria dugu", azaldu dute. "Laborantxako lurren saltze eta desagertzea, horien artifizializazioa, espekulazioak biderkatzen dira Euskal Herrian; mobilizazioak eta erresistentzia izanagatik ere, gure ondare parte bat gehienik eskaintzen duenari utzia zaio , gazteei eta beste biztanleei eskuragarri zaien etxebizitzak eta lurrak kenduz".

"Saltzaileak eta erosleak, biek, herritarren protestari, laborarien abisuari, baita klase politiko parte baten deiari uko egin diote", gaineratu dute. "Beren zuzengabeko tratua ezin jasana izaiteaz gain, beren egoismoak eta temak ondorioa latzak ditu, eta gogoa piztuko zaie batzuei! Ahalgeingarriak zirezte bai D’Elbée saltzailea, bai Telleria eroslea! Lotsagabeak zuek! Ezin izan badugu saltze hori ezeztatu, seguraz ere gure presioa ez delakotz aski azkarra izan, ez aski jendetsua, baina Donibane Lohitzuneko herriko etxearen konplexitateak ez du lagundu, ez eta ere bi aktoreak tokikoak direlakotz. Eta zer erran tokiko hautetsien eta politikeroen inplikazio eskasaz, Herriko mera erdiek petizioa izenpetu badute ere. Alta beren ardura da herritarren ordezkari gisa , gisa horretako operazioen kontra altxatzea!".

Salmenta eragozterik lortu ez duten arren, nabarmendu dute, "esperientzia honen ondotik, borroka hori eta aitzinekoak eramanik, batzuei gosea piztu bazaie, beharko dutela jakin parean herritar engaiatuak, kexu diren laborariak, borrokarako prest diren kolektiboak aurkituko dituztela". Ekintza horrek mobilizazioa ekarri duela diote, "kontzientzia hartze bat" sortu duela. "Okupazio batean sekulan parte hartu ez zuten gazte eta jende batzuk ikusi ditugu altxatzen eta borrokatzen suntsitzaile izendatu behar ditugun saltzaile eta erosle horien arteko transakzioen kontra. Olhako salmenta egina da, gure okupazioa horretan gelditzen da... baina lurraren zaintzeko borroka segitzen da".

Senpereko Olha etxea

Etxearen jabeak 1.300.000 eurotan jarri zuen salgai 50 hektarea dituen etxaldea; horietako asko zuhaiztiak. Safer erakundeak 700.000 euroko balioa ezarri zion baina jabeak uko egin zion prezio horri. Gaur egun, makarroiak ekoizten dituen Donibane Lohizuneko Adam familiarena da etxea. Espekulazioaren berri jakin orduko egin dituzte ekintzak lurraren eta etxebizitzaren aldeko militanteek. Maiatzean salatu zuten lehen aldiz kasua, eta ekainean etxea okupatu zuten. Dena dela, ezin izan dute espekulazioa oztopatu, abuztuaren 2an notarioak salmentaren berri eman baitzien kolektiboei.

Azpian gaurko irudi batzuk:

 


Kanal honetatik interesatuko zaizu: Higiezinen espekulazioa
Etxe turistikoak alokairuaren merkatura bideratuko balira, %10,82 handituko litzateke alokairuaren eskaintza Donostian

Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.


Iruñeko Kale Nagusian 1.500 metro koadroko eraikin bat erosi dute Katakrakek eta Koop57k

Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]


2024-01-24 | Euskal Irratiak
Espekulazioaren kontrako ekintza berria Hazparnen

Duela sei urte 250.000 eurotan erositako Aiherrako etxe bat, egun 1,6 milioi eurotan salgai. Joan den larunbatean Hazparneko Puyo higiezin agentzian sartu dira 50 herritar inguru Etxetxuri etxaldearen salmenta espekulatiboa salatzeko. Ekintza iraun bitartean agentziako... [+]


2024-01-05 | Euskal Irratiak
Herrian Bizi plataformako kide Peio Dufau
“Bigarren etxebizitzak zinez kaltegarri bilakatu dira azken bizpahiru urteetan”

2024ko urtarrilaren 1etik goiti, Ipar Euskal Herrian bigarren etxebizitza bat erostekotan diren pertsonak gonbidatuko ditu Herrian Bizi plataformak jadanik bigarren etxebizitza gisa baliatuak diren etxe edo apartamendu bat erostera.


2023-12-21 | Euskal Irratiak
Ia 1,6 milioi euroko etxe salmenta “espekulatibo” bat Aiherran

Aiherrako Herriko Etxea arranguraturik agertu da 250.000 eurotan erosia izan zen etxe bat, abantsu 1,6 milioi eurotan salgai ezarri ondotik. Etxexuri egoitza 2017an erosi zuten gaur egungo jabeek, eta arraberritzen lan handiak egin zituzten; ganerra eta barnea berregin zituzten,... [+]


2023-11-21 | ARGIA
Otxantegi Herri Lurrak erresistentzia gosaria deitu du ostegunerako

Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]


New Yorkek gerra deklaratu dio Airbnbri epe motzeko alokairuak mugatuz

Uztailean onartu zuten legea eta irailaren 5etik aurrera sartuko da indarrean. Etxebizitzak alokatzeko hiriko exekuzio berezien bulegoan izen emanda egotea, hilabetez azpiko egonaldiak legez kanpokoak izatea eta arau-hausteak zigortzea ekarriko du, besteak beste.


2023-08-17 | Ilargi Manzanares
Gurutze plazako parkingaren proiektua gerarazi du Ibarrolak, babes faltagatik

Babes politikorik ez duelako, eta bizilagunen desadostasuna onartu ondoren, Iruñeko alkateak aparkalekuaren proiektua bertan behera utzi du "behin behinean". Ibarrolak proiektuaren aurkako protesten atzean EH Bildu dagoela adierazi du.


2023-08-17 | Ilargi Manzanares
Pisu partekatuetako gelen eskaintzak eta alokairuak gora egin du Hego Euskal Herrian

Azken urtean alokairuan jarritako gelen eskaintza igo egin da Hego Euskal Herriko lau hiriburuetan, batez ere Donostian. Hiriburu garestiena izaten jarraitzen du Donostiak: hilean gela baten batez besteko prezioa 450 euro ingurukoa da; Bilbon 400 eurokoa eta Gasteizen eta... [+]


2023-08-16 | Ilargi Manzanares
Espekulazioaren aurkako kolektiboko kideek denda bat blokeatu dute Donibane Lohizunen

Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.


2023-08-03 | Ilargi Manzanares
Espekulazioaren aurkako taldeek okupatu zuten Senpereko Olha etxea saldu da

Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.


2023-08-01 | Jon Torner Zabala
Ibilbideak (V)
Ozaze: Bide huts, etxe huts

Ekainaren 3an Euskal Liburu eta Disko Azoka egin zen Ziburun. 2020ko hauteskundeetan aldaketa handia izan zen Lapurdiko kostaldeko herrian: abertzaleak nagusi dituen Ziburu Bizi zerrenda irekiak hogei urteetako gehiengoa irauli zuen. “Erakutsi behar dugu gai garela herriko... [+]


2023-07-27 | Ilargi Manzanares
Espekulazioaren aurkako kolektiboa sortu dute Luhuson

Atxik Luhuso kolektiboa sortu dute herrian etxebizitzak eraikitzeko proiektu berriari erantzuteko.


Espekulazioaren aurka elkartuko dira larunbatean, Ipar Euskal Herriko bederatzi lekutan

Uztailaren 15erako jarri ditu hitzorduak Ostia herritar kolektiboak. Egoera salatzeaz gain, hautetsiak interpelatzeko ekimena izanen da. Bizkitartean, Senpereko okupazioa aitzina doa, hamazazpi egun igarota.

 


Tourraren irabazleak eta... galtzaileak?

Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.


Eguneraketa berriak daude