Maskara, eskuetarako gel hidroalkoholikoa eta tenperatura kontrolak garraio publikoan
Trantsiziorako Euskal Plana aurkeztu du Eusko Jaurlaritzak, konfinamenduaren osteko asteak arautzeko. Garraio publikoaren kasuan, maskararen erabilera derrigorrezkoa izango da, eta Jaurlaritzak gelak banatzeko guneak eta tenperatura kontrolak jarriko ditu.
Maskaren erabilera ezinbestekoa izango da garraio publikoan. Jaurlaritzak adierazi du konfinamendua amaitutakoan bidaiari kopurua hazi egingo dela, eta ez dela segurtasun distantzia mantenduko. Erabiltzaileek maskara janzten badute, gainera, bidaiari gehiago sartu ahalko dira garraioan, orain arte autobusek beren 1/3eko okupazioan baitabiltza.
Gelari dagokionez, Eusko Jaurlaritza izango da horiek banatzeko guneak jartzeko arduraduna. Sarbidea mugatuta duten geltokietan, bidaiariak hesi bidez kontrolatzen diren lekuetan eta hiriburuetako geltoki nagusietan jarriko dituzte, besteak beste. Dena den, adierazi dute banagailuak geltokietan bertan egongo direla, hesiak gainditu eta gero, eta ez autobusetan.
Tenperatura kontrolak jartzeko asmoa ere adierazi du Jaurlaritzak. Ez dira kontrol finkoak izango, ekipo mugikorrak izango dira kontrolen arduradunak. Garraio publikorako sarbideetan egingo dituzte; Euskotreneko tren geltokietan, Bilboko metroan eta hiriburuetako autobus geltoki intermodaletan. 37ºC baino tenperatura altuagoa dutenak osasun zerbitzuetara bideratuko dituzte.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.