Nork eta zer erabaki

  • Bete-betean harrapatu gaitu gazteok Kataluniaren auziak. Agian, gure belaunaldiarentzat mugarria izango den gertakari historikoa bizitzen ari gara uneotan, eta batera edo bestera, geure eguneroko elkarrizketagai bihurtu da azkenaldian.

Maider Galardi @MaiderGalardi
2017ko azaroaren 10a

Badirudi Euskal Herria ere kutsatu dela erabakitzeko eskubidearen kontuaz, eta berriz ere, agenda politikoaren lehen lerroetan ikus ditzakegu hemen eta han politikariak; batzuek besteei kontu eske, besteak Kataluniako olatua aprobetxatzeko oharataraziz, zer den erabakitzea eta zer erabaki daitekeen eztabaidatzen azkenak.

Indarraldi hori aprobetxatuz beharbada, Euskadiko Gazteria Kontseiluak unibertsitateko Ikasle Kontseiluarekin batera antolatu du #GaztEztabaida EHUko Gizarte eta Komunikazioen Fakultatean. Non bestela. Hamaika iritzi borborka dituen eltzea izango da une honetan fakultatea: pintadak nonahi, hausnarketarako forak, manifestazioak…

Kontseiluak bota du galdera: Erabakitzeko eskubidea, zuk zer uste duzu? Pentsatu dut galdera niretzako zela, fakultatean oraindik hanka erdia baduen emakume gazte batentzat. Pentsatu dut galdera, niretzat, guretzat, zela: unibertsitateko komunitatea osatzen dugun eta gaiaz interesa dugun edonorentzat. Nik zer uste dudan, gauza asko esan nitzake foro horretan, baina, bat-batean ikusi ditut elkarrizketara gonbidatu dituzten adituak: gizonak denak eta helduak gehien bat.

Ez ote diguten emakumeoi foro horretan erabakitzeko, hitz egiteko eskubidea kendu, horixe pentsatu dut hurrena. Ez ote gaituzten eszena politikoaren fokupetik bota (berriz). Zer uste dudan galdetuko balidate, esango nieke emakumeoi kendu zigutela aspaldi erabakitzeko eskubidea; estatu modernoen eraikuntza eta politika liberalaren eredua ezarri eta berehala. Esango nieke, edozein hitzarmen sozialen aurretik egon zela hitzarmen sexual bat, zeinak urte luzez bermatu duen gizonezkoek eszena politikoaren monopolioa izatea, eta gizonekoek izan dutela ordutik lehentasun politikoak ezartzeko eskubidea (haiek, eta soili soilik haiek). Emakumeak jarri gaituztela “gure kontuak” erabakitzen; emakumearen institutua dela, berdintasun politikak direla… eta ia sinistu dugula geuk ere badugula eragiteko gaitasuna, kontu publiko, politiko hegemonikoetan ere erabakitzeko ahalmena.

Orduan gogoratu naiz bilera batean isilik egon nintzela -bi orduz akaso- arlo sozioekonomikoaz, hezkuntzaz eta zabor bilketaz eztabaidatzen ari ziren bitartean. Eta halako batean, norbait konturatu zela hitz egin nezakeela, erabaki nezakeela gai baten inguruan: feminismoaz. Eta orduan, gogoratu naiz, gainera, zazpi puntutatik azken aurrena zela hura. Alegia, zeinek erabakitzen duen eztabaidagaia zer den, zer erabaki daitekeen, zer den publikoa eta politikoa letra larriz; eta zer diren gure kontuak.

Eta pentsatu dut, ez dela hori esperientzia pertsonal hutsa (politikoa da, sinistuidazue) eta ziur asko, Gizarte eta Komunikazio Zientzietako fakultatean badirela halako bizipenak izan dituzten hamaika emakume. Are gehiago, ez dakit Gazteria Kontseiluak edo Ikasle Kontseiluak begiratu dituen estatistikak, baina nago ikasleen erdiari baina gehiagori kendu digutela aukera subjektu politiko bihurtzeko; erabakitzeko eskubideaz zer uste dugun hausnartzeko-esateko aukera kendu digutela zaflako batez.

Ez dakit kartel triste horren ardura kontseiluek duten, edo alderdiak izan ote diren aditu horiek bidaltzeko erabakia egin dutenak. Edonola ere, jakin dezatela onartezina dela horrelako gai baten inguruan hitz egiteko eztabaida piztu eta emakumerik ez izatea lehen lerroan. Kataluniako olatua hartzen badute, har dezatela bertan egiten ari diren proposamen feminista ere jasoz, edo bestela ez dezatela hitz egin horren modu kategorikoan.

Erabakitzeko eskubideaz nik zer pentsatzen dudan galdetu dute kartelean, eta gonbidatuak ikusita, ohartu naiz ez dudala ez horren inguruan pentsatzeko eskubiderik ezta erabakitzeko eskubiderik ere.

Hara bildutako gizonei egingo nieke galdera:

Erabakitzeko eskubidea (denok?): Zuk zer uste duzu?

Bertan egongo al zara?

Albiste hau Klittok argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iritzia

Iritzia kanaletik interesatuko zaizu...
2018-09-30 | Oier Guillan
Norbaitek batuko dituen esperantzarekin

Ez ditut oroitzen bizitza aldatu didaten uneak. Lausotzen ari zait atera ez ditudan argazkien oroitzapena. Ezin dut nire liburu faboritoetako pasarterik buruz esan. Ez naiz gehien inpaktatu nauten filmetako dialogo bakar bat ere errepikatzeko gai. Haietako bakoitzak utzi zidan arrastoa oroitzen dut soilik, azalean biziraun didan sentsazio orokorra.

Eulia ari du oroimenean: memoria selektiboa da, beti. Bizitakotik behin eta berriz azpimarratzen, kontatzen, birkontatzen ez dena ez omen da... [+]


Eskuin muturra garaitu

Etorkinen eta errefuxiatuen etorrera udako albistegietako protagonista izan da. Ez da gauza berria, urteak daramatza Europar Batasunak errealitate horren kudeaketa kaskarra egiten. Adierazle gisa dugu eskuin muturreko populismoaren gorakada hauteskundeetan. Muturreko zentro progresistaren hegemonia garaietan gutxi hitz egiten da eskuin populistaren arrakasta ulertzeko sakoneko faktoreez. Egokitasun politikoaren diskurtsoak, nagusitasun morala adieraziz, nahiago du eskuin muturreko boto-emailea... [+]


2018-09-30 | Castillo Suarez
Biharamunaz

Maite ditut haratago eramaten ez zaituzten muxuak, muxuei, bere hutsean, baliorik ez baitiegu ematen gehienetan. Ez galdetu, hortaz, zer egiten nuen industrialde batean, desordutan, musika talde famatu eta on baten road managerrarekin. Baina muxu eman genion elkarri Guardia Zibila hurbildu zenean. Endavant paratzen zuen pegatinari begira egon nintzen, saihetsetik, begiak itxi gabe. Guardia zibilek bakean utzi zuten paperez eta gailuz betetako auto hura eta ni orduan handik atera nintzen eta... [+]


2018-09-30 | I˝aki Murua
Zuri, behin-behineko kontratupeko horri!

Hitzarmenak kontratu bilakatu ordez kontrakotu ditugun garai hauetan, berrogeitaka urte lan kontratu amaigabean arituta, bizitzak ziurgabetasun osoan ezarri nauenean, urtero lan kontratua luzatuko ala etengo zaien jakin gabe eta etorkizuna etorkin duten arren, daukaten onena ematen ari diren langile horiei, begirunez eta goxotik.  

Oharra:
1. Goitik behera eta ezkerretik eskuinera irakurtzeko antolatuta daude bertsoak, gure gizarteko politikaren ildo eta noranzko berari jarraituz.
2... [+]


Here to stay! Etxebizitza eskubide

Oporraldi garaia bururatu eta, hara jo eta ke berriz lanean eta katzakan aritzeko garaia etorria dela. Aktualitatea ikusiz, nehoiz baino erneago jokatu beharra daukagu. Besteak beste, etxebizitzaren gaia aipatu gogo nuke hemen. Joan den udan, Chairecoop ikerketa tresna ezagutzeko parada ukan genuen Baxenabarren: hori da nazioarteko erakundea, Etxebizitza Kooperatiboa eta Giza Kooperazioaz gogoetatzen laguntzen duena. Hainbat egitura, gobernuz kanpoko erakunde eta unibertsitatek sostengatzen... [+]


Justizia marxista eta irudimena

Marxek eta Engelsek ez zuten justiziari buruz ezer idatzi. Izan ere, errealitate materiala  ideiak baino garrantzitsuagoak dira gizartea deskribatzeko.  Alabaina, Engelsek Blochi gutun baten bidez esan zion ideiak eta borondateak ere parte daukate klaseen arteko borrokan. Dena den, ez zuten berez justizia kontzeptu bat eraiki eta neuk sortu nuen.


2018-09-19 | Hainbat egile*
Iraultza Txikien Akanpada: ongi bizitzeko hiru egun

Ez dugu argi bidea. Ziurgabetasunak galarazten digu sarri xendra berrietarako lehen pausoa. Baina saiatu beharra dago. Galtzeko beldur barik. Esperientzia sozialek ez dute gainerako zientziek duten errore-marjina. Akatsik nimiñoena ere porrotzat hartzen da, baita guk geuk ere. Baina esperimentu sozialik gabe ez dago garapenik.


Ados egon behar, derrigorrez

Gauza bat egiteko tentazioa izan dut aste honetako zutabean: goiko esaldia jartzeko zorian egon naiz, baina norena den zehaztu gabe. Asmatuko luke irakurleak? Nik behintzat, itsuan jarrita, ez.


2018-09-19 | JJ Agirre
Ez Molestatu Bwana Erdalduna

Izen hori daukan Facebookeko taldearen izena ekarri dut goiburu, horixe baita gure gainean (gure artean bainoago) bizi diren erdaldun aloktono nahiz autoktonoen lehen manamendua. Horixe bera euskaldun gehienek hezurretaraino barneratutako ohiko jarrera ere: menpekotasun gorria, makurtzen irakatsi bazieten gure aurrekoei espainiarrek eta frantsesek, bortxaz eta mespretxuz, eta sumisioaren transmisioa egiten laguntzaile bilakarazi zituzten sarri-sarri gure aurrekoak, eta gure sasoikide gehienak... [+]


Azkenak
EGILEA
Eguneraketa berriak daude