Inongo titularretan ez da ageri Jaurlaritzak fosforitoz markatu zuena kurtso politiko berriaren hasiera honetan. Zerbitzu publikoen "etengabeko hobekuntzan” zentratuko direla hitzematen zigun Urkulluk, baita etxebizitza-politikan eta berdintasunean ere, eta “kalitatezko” enplegua sustatuko dutela. Alamena eman zioten kazetariek Espainiako egoera politikoarekin, eta Lehendakariak, asmo gehiago edo gutxiagorekin, jarri zion puntua gaiari, irakurketa hau eginda: Espainiako Gobernu berriak gobernagarritasun bermea izateko, alderdi nazionalista eta abertzaleek hasi eta buka babestu beharko dute, inbestiduratik hasi, aurrekontuak osatu eta Moncloarentzat lege-ekimen garrantzitsuenak eztabaidatu eta ahal bada onartuta. Orain arteko abstentzioaren edo batzuen batzuetako baiezko eta besteen besteetako ezezkoen jokoak dagoeneko ez du zentzurik; guztiek esan beharko dute beti baietz. Horregatik, abagunea baliatuta iradoki du Urkulluk “estatu eredu berria” behar duela Espainiak.
Etxe barrura baino, eragile gehienak ari dira Espainiara begira. Eta Espainiako joko-mahaia nola dagoen ikusi ondotik egiten dira etxe barrura begirako analisiak. Espero da bai EAJk eta bai EH Bilduk PSOEren hautagaiari babesa ematea Madrilen, baina zalantzarik handienetakoa da horrek nori egiten dion mesede, alegia, nor den PSOE gehien presionatzeko eta harekin ondoen negoziatzeko gai, eta nabarmentzeko, jakina.
Etxebizitzaren Legea eta gisakoek markatu dute ezberdintasuna jeltzale eta subiranisten artean, eta distantzia markatze horrek ezarriko du gidoia etxeko politiketan, jomugan baitaude oraindik datarik ez duten Gasteizko Legebiltzarrerako hauteskundeak. Urte luzean EAJ izan da “Euskadiren ahotsa Madrilen”, eskumenen transferentzien eragile, baina etxebizitza legeak “eskumen propioak urratzen” dituela argudiatu du, nahiz Generalitateak “errefortzurako” baliatuko duen araudia; eta katalanak Renferen tren zerbitzu guztiaren transferentzia lortzear egon daitezkeen honetan, herritarrei gero eta etsigarriagoa egiten zaie Renferen trenak atzerapenarekin funtzionatzeak beti, batez ere hiriburuetan autoz sartzea ezinezko bihurtu delako, eta, jakina, autoaren depositua betetze hutsa labankada gero eta mingarriagoa jasatea delako. Aldirietako trenaren eskumena Jaurlaritzari transferitzeko bide orria zaharkiturik geratu da eta uste dut dagoeneko inor ez dela akordatzen “biharko bileran gauza daiteke” eta antzerakoak saldu zizkiguten garaiaz.
Urte politiko korapilatsua izango da munduaren bazter honetan. Osakidetzaren konponbide errealik ez da aurreikusten, etsipenez aitortu ditu gizarteak itxaron-zerrenda amaigabe eta askotan jasanezinak, baita etxebizitza eskuraezinak eta eros-ahalmenaren galera handiak ere. Ea zein parlamentutan konpon daitezkeen ordea azken afera horiek. Agian horregatik inork ez ditu fosforitoz markatu Urkulluk eta bere gabineteak azpimarratu nahi zituzten "urte honetako zereginak".
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Bozketa arauei dagokionez hainbat aldaketa bideratu zituen maiatzaren 21ean bozkaturiko legediak. Bozkatzeko prozedura argiturik, abuztuaren 27an eman du hauteskundeen agendaren berri Frantziako Gobernuaren bozeramaileak.
Izendapenak ahalbidetuko du kalte ordainak ordaintzeko prozesuak hastea. Bi suteetan 500 hektarea baino gehiago erre dira.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.