Nafarroako Gobernuak 7,8 milioi euroko diru partida onartu du laguntza sozialetarako


2020ko apirilaren 02an - 00:01
Inés Francés, Carmen Maeztu eta Andrés Carbonero Nafarroako Gobernuak onartutako neurri sozialen berri ematen. Argazkia: navarra.es.

Honela banatuko ditu Nafarroako Gobernuak neurri sozialetara bideratuko dituen 14,2 milioi euroak:

- Nafarroako Menpekotasunaren Agentziak ematen dituen laguntzak finantzatuko dira 7,2 milioi eurorekin.

- Oinarrizko errentaren diru poltsara 5 milioi gehiago bideratuko ditu Nafarroako Gobernuak, bigarren sehilekotik aurrera langabeziak zigortutako familiei gutxieneko diru-sarrera bat bermatzeko. 2019 bukaeran, Nafarroan 12.900 etxek jasotzen zuten oinarrizko errenta.

- 100.000 euro bideratuko ditu Gobernuak etxerik gabeko pertsonentzako Iruñeko eta Tuterako aterpetxeetara. Gobernuak onartzen du "egungo konfinamendu egoeran, bi aterpetxe hauetan dauden ohe kopuruak ez direla nahikoak". Horregatik, 100.000 euro horiekin beste bi aterpetxe iraki nahi ditu Gobernuak: Iruñean 40 pertsonarentzako lekua izango lukeen aterpetxe bat, eta Tuteran Gazteen Aterpetxean dagoen eta egun erabilgarri ez dagoen gunea.

- Milioi 1 euro udal zerbitzuetara bideratuko ditu.

- 500.000 euro udalen gizarte zerbitzuetara, herritarren behar larriei erantzuteko. Alkilerra, hornidurak eta elikagaiak ordaintzeko erabili ohi dira.

- 185.000 euro elikagaien bonuetarako eta materialetarako.

- 184.851 euro haurreskolek kobratuko ez dituzten hileko kuotei erantzuteko.

Iruñeko Fuerte Principe erresidentzia egokituko dute COVID19az gaixotu diren etxerik gabekoentzat

Koronabirusa izanagatik hospitaleratu beharrik ez duten etxerik gabeko 20 pertsonarentzako lekua egingo dute hiriburuko Fuerte Principe erresidentzian.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude