Musikari berriak ezagutarazteko asmoa duen Oskola web telebista saioa ostegun honetan estreinatuko da
Ostegun honetan 19:30ean estreinatuko da Oskola, euskarazko musika-saio berria. Talde berriak ikusaraztea du helburu proiektuak, programa bakoitzean musika-talde edo bakarlari berri bati protagonismoa emanez.
Prestaketa-lan neketsuen ondoren, iritsi da estreinaldi eguna Oskola web telebista saioarentzat. 19:30etatik aurrera Youtubeko lotura honetan ikusi ahal izango da musikari berriak ezagutarazteko espazioa izan nahi duen programa honen lehenbiziko kapitulua. Beitia bakarlari gasteiztarra izango da saioko lehen gonbidatua eta programak bi zati nagusi izango ditu: artistari Urko Sáenz de Buruaga kazetariak egingo dion elkarrizketa lehenik eta zuzeneko emanaldia ondoren, hiru kantaz osatua.
Euskarri digitalaren abantaila guztiak baliatu nahi dituzte saio honetan, horregatik, programa zuzenean emititu bitartean ikusleek iruzkinak egin ahal izango dituzte, hartara elkarrizketa dinamiko eta parte-hartzaileagoa sortzeko. Beste hiru saio ere prest dauzka Oskolak, zeintzuetan Irune Goñi bakarlaria, Ziakhus raperoa eta Red Iron Squad rock taldea izango diren protagonista.
Mundura azaltzea
“Oskola mundura azaltzeko itxaroten ari den izakia eta aukerez beteriko mundu horren arteko hesia da”, azaldu dute programaren sustatzaileek. “Bizitzarako lehen urratsa oskol hori apurtzea da. Geure burua ezagutzera emateko lehen urratsa ere ezkutatzen gaituen oskola apurtzea da”. Horixe da programaren izenak adierazi nahi duena: musikaren munduan toki bila ari direnei oskola apurtzen laguntzeko sortu da.
2019an grabatu ziren programaren lehen saioak, Gasteizko Udalaren eta Arabako Aldundiaren Gazte Sortzaileak bekaren laguntzaz. Saioaren bultzatzaileek azaldu dutenez, lehenbiziko lau atalek jendearen interesa piztea lortuz gero, saio berriak egitea da asmoa.
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Larunbat honetan Jose Mari Iparragirre urretxuarraren musika entzungo da Santanderren, Kantabrian, bi urretxuarren eskutik: Gorka Hermosa konpositorea eta Juan Luis Escudero aktorea.
Askotariko erresistentziak gorpuzten eta aldarrikatzen ditu Aiert Alberdi kantautore oñatiarrak oholtzan zein egunerokoan: gaztea, genero disidentea, euskalduna, langile klasekoa eta herri txikikoa… Musika eta feminismoa ditu indarkeria patriarkalari aurre egiteko... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]