Kai Nakaik, Marenek eta Olatz Salvadorrek gezurtatu egin dute Bilboko Udalak esandakoa: ez zien beste eszenatoki bat eskaini
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bilboko Aste Nagusiko lehen kontzertua izan behar zuen, baina ez zen horrelakorik izan: “arazo teknikoengatik” bertan behera geratu zen Kai Nakaik, Marenek eta Olatz Salvadorrek abuztuaren 16an Abandoibarrako oholtzan eman behar zuten kontzertua. Jaien osteko balorazioan, Itziar Urtasun Bilboko Jaietako eta Berdintasun Saileko zinegotziak azaldu du artistei Plaza Biribileko eszenatokia eskaini zietela kontzerturako, baina uko egin ziotela. Hiru artistek ukatu egin dute udalaren bertsioa, eta adierazi dute kontzertua Kai Nakairi bakarrik eskaini zietela. Abeslariak uko egin zion eskaintzari ez baitzitzaion “etikoa” iruditu.
Aste Nagusiko lehen egunak polemika nahikoa piztu zuen jai guztietarako, jaien ondorenean ere kontzertuak berbagai izaten jarraitzen baitu. Ostegunean egin du Bilboko Udalak jaien osteko balorazio prentsaurrekoa, eta Itziar Urtasun Jaietako eta Berdintasun Saileko zinegotziak kontzertuaren gaiari heldu dio. “Saiatu ginen beraiek Plaza Biribilean jotzeko konbentzitzen, baina ezetz esan zuten”, adierazi du zinegotziak. Urtasunen bertsioa gezurtatu dute, ordea, hiru artistek, eta adierazi dute Kai Nakairi baino ez ziotela eskaini beste eszenatokia. Zinegotziak onartu du bakarrik Kai Nakairekin hitz egin zutela, udaleko ordezkariak Abandoibarrara joan zirenerako, 20:00etan, bera baino ez zegoelako han. Urtasunek pluralean hitz egin du, kontzertua hiru artistena zela adierazita. Abeslariek, ordea, ez dute bat egin bertsio horrekin, esan baitute kontzertua “bakarrik Kai Nakairi” proposatu ziotela. Abeslari gasteiztarrak, orduan, uko egin zion eskaintzari, etikoa ez zela iritzita.
Hiru artistek sare sozialetan zabaldutako bideo batek piztu zuen metxa, han azaldu zuten agertokia muntatu barik zegoela eta, horregatik, ezingo zutela kontzertua eman. Bideo horren ostean “mehatxuak” jaso zituztela salatu zuten hiru abeslariek, udalarenarekin bat egiten ez zuen bertsiorik ez igotzeko eskatu zietela diote. Udalak ohar labur batean adierazi zuen “agertokia muntatzeko arazo teknikoak” izan zirela, eta hori izan zela kontzertua bertan behera uzteko arrazoia. Urtasun zinegotziak horri ere heldu dio bere hitzartzean, eta zera esan du: "Kontratistetako batek ez zuen garaiz entregatu eszenatokia, eta, zoritxarrez ezin izan genuen garaiz muntatu".
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.