Montorok agindutakoa baino 780 milioi euro gutxiago itzuliko dizkio Kataluniari
17.618 milioi euro itzuliko zizkion 2018. urtean Kataluniari, hala jakinarazi zuen Cristobal Montoro Espainiako Ogasun Ministroak uztailean. Udan hitzemandakoak baino 780 milioi euro gutxiago jasoko dituzte ordea. Montororen arabera iazko aurrekontuak luzatu beharrak eragin du erabaki hori hartzea.
Uztaileko zenbakietan oinarrituta egin zituzten autonomi erkidegoek euren aurrekontuak, orain ordea Espainiatik jasoko duten diru kopurua murrizteak, buru hauste ugari eragingo ditu.
Kataluniaren kasuan murrizketa nabarmena da. Uztailean agindutako diru partida ia %4,5 murriztu baitu Espainiako Ogasunak. Iaz jaso zuenarekin alderatuta, 125 milioi euro gutxiago jasoko ditu aurten, Montororen esanetan, kopurua murriztearen arrazoia, iazko aurrekontuak luzatzea bada ere. Espainiako Gobernuak ez baitu gaur gaurkoz nahikoa babes aurrekontuak onartzeko.
Katalunia ez da izango ordea, diru gutxiago jasoko duen erkidego bakarra. Valentziak esaterako 353 milioi euro gutxiago jasoko ditu.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Pedro Sánchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta.
Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak gogoraraztea, gastu sozial eta zerga gehiagoko Estatua batean oinarrituak.
Epaia presio politikoengatik atzeratu da: boto partikularra ez zen maiatzaren 21ean eman Ciudadanosek eta EAJk aurrekontuei emandako baiezkoa kolokan ez jartzeko.
EAJk PPren gobernuaren aurrekontuak babestu ditu "erantzukizunez" jokatu duela iritzita. Konstituzioko 155. artikuluak Katalunian indarrean jarraitu bitartean Rajoyren aurrekontuak ez zituela onartuko berretsi izan du behin baino gehiagotan alderdi jeltzaleak. Hautsak harrotu ditu erabakiak sareetan, EAJk "bere hitza" jan duela iritzita.
EAJko zuzendaritza batzartu egin da asteazken honetan, eta Euzkadi Buru Batzarrak jakinarazi duenez, erabaki dute Espainiako Kongresuan dituzten bost diputatuek aldeko botoa ematea Rajoyren Gobernuaren aurrekontuei.
Espainiako Gobernuko aurrekontuak bozkatuko dituzte gaur Madrilen, eta horiek onartzeko ezinbestekoa dute EAJren babesa. Jeltzaleek ez dute bozkatuko dutenaren berri emanen azken momentura arte.
EAJk eta PPk aurrekontuen gaineko akordioa erdietsi dute 2018an Araba, Bizkaia, Gipuzkoa eta Nafarroara 25 milioi euro bideratzeko Estatuko aurrekontuetatik; beste 24,5 milioi euro 2019rako eta 14,5 milioi 2020rako. Guztira, 64 milioi euro. Diruaren zati handiena AHTko obretara, portuetako lanetara eta ikerketaren garapenera bideratuko da.
PPren eta EAJren interesak batu egin dira Estatuko Aurrekontu Orokorrak salbatzeko, pentsionistak hauteskunde-merkantzia balira bezala erabilita.
Kohesio funtsei eta Nekazaritza Politika Bateratuari bideratutako partidak murriztuko dira, biak %5 inguru.
