10.000 bat ikaslek eskatu dute unibertsitateko matrikulak merkatzea eta bekak hobetzea
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
aurre egingo dieten hedabide independenteak
"Doako unibertsitatera bidean, indarrak batu!" lelopean aurkeztu dituzte eskaerak asteazkenean Leioako Campusean hainbat ikaslek, “guztientzat, doakoa eta kalitatezkoa” izango den unibertsitatea helburu hartuta. Alde batetik, matrikulak merketu beharra azpimarratu dute: lehen matrikulazioen prezio berean birmatrikulazioak egitea, praktiken doako matrikulazioa eta masterren matrikulazio prezioa jeistea. Beste aldetik, etxebizitza eta garraio beken hobekuntza azpimarratu dute eta horrekin batera praktikaldiak soldatapekoak izatea.
Unibertsitateko Indar Batasuneko (UIB) kide batek ARGIAri azaldu dionez, asanbladetan antolaturik ikasle ugari aritu dira matrikulak merketzearen eta bekak hobetzearen alde lanean, eta horren “fruitua” izan dira lorturiko 10.549 sinadurak.
Mugimenduak berri eman duenaren arabera, egun ikasleen %65ak ezin dezake beka eskatu, eta esleitzen zaien erdiari ukatzen diote. Azken urteetako garestitze-prozesu orokortuaren testuinguruan egin dute doako unibertsitatearen aldeko aldarria. Unibertsitatea garestitzearen erantzule EHU dela adierazi dute: “Nahiz eta EHUren aurrekontuak urtez urte handiagoak izan, ez dugu prezioak jeisteko borondaterik eta asmorik ikusten”.
EHUk 2024an 531 milioi euroko aurrekontu proiektua dauka, pasa den urtean baino %7,38 gehiago. UIBek kritikatu du diru hori enpresekin akordioak egitera bideratzen duela unibertsitateak.
Hauteskundeak ate joka
EHUko hauteskunde kanpainaren erdian burutu dute sinadura bilketaren kanpaina, unibertsitateko “benetako egoera” zein den azaltzeko xedearekin. Azaroaren 26an izango dira errektorea aukeratzeko hauteskundeak, eta EHUko ikasle guztiek izango dute bozka emateko aukera.
Hauteskunde garaia unibertsitateak "bere burua zuritzen saiatzeko baliatzen duela" eta "ikasleok kontuan hartzen gaituztela irudikatu eta antzerkia egin nahi dute", kritikatu du mugimenduko kideak.
"Promesa faltsuen aurrean" baldintzak hobetzearen alde antolatzeko beharra nabarmendu dute asteazkeneko agerraldian. "Horrela bakarrik ordezkatuko dira gure interesak eta horrela lortuko da doakotasunera bidean aurrerapausuak ematea". Errektoregaiek jaramonik egin ezean mobilizatzeari ekigo diotela azaldu dute UIBeko kideek.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]