Octavio Alberola zendu da, Donostian Franco hiltzen saiatu zen anarkista
1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.
Octavio Alberola Suriñach militante anarkista eta borrokalari antifrankista zendu da, 97 urterekin, Okzitaniako Perpinyan (Alayor, Herrialde Katalanak, 1928 — Perpinya, Okzitania, 2025). Donostiako pasarte historiko batekin harreman estua du Alberolak, izan ere, bera izan zen Francisco Franco diktadore faxista espainiarraren aurkako atentatu saiakera handiena koordinatu zuena, Donostian.
Balearretan jaioa (Herrialde Katalanak), 36ko gerraren ostean erbestera joan behar izan zuen Alberolaren familiak, Frantziako Estatura lehenik eta Mexikora ondoren. Mexikon, hain zuzen ere, erbesteko gazte libertarioekin eta CNT sindikatu anarkistarekin harremana edukitzen hasi zen. Horren bueltan, 1956an, Fidel Castro buru zuen Movimiento 26 de Julio mugimendu kubatar iraultzailearekin kolaboratu zuen, Fulgencio Batista diktadorea bota zuten arte.
1960ko hamarkadaren hasieran, klandestinitateko mugimendu antifrankistan murgildu zen; hain zuzen ere, orduan iritsi zen Donostiako magnizidio saiakera. 1962ko udan, CNTk Francoren aurkako atentatua prestatu zuen Donostian ETA erakunde sortu berriaren laguntzarekin, eta Alberola aritu zen ekintza koordinatzen. Hedabide honek atentatu saiakera haren inguruko erreportaje laburra argitaratu zuen 2024an; hemen irakur dezakezue.
Hala azaldu zuen militanteak berak ekintza, 2017an emandako elkarrizketa batean: “Arazoa zen bera pasatu behar zen errepidean jarri behar genuen karga lehergarria, logikoa denez, egun pare bat lehenago aktibatu behar genuela, bestela Guardia Zibilak dena hesituta izango zuelako. Materiala, igorlea eta detonagailua Julen Madariagak pasatu zizkigun, orduan ETAren zuzendaritzan zegoenak. Nolanahi ere, haiek ez zekiten Francoren aurkako atentatua zenik ere. Militante batzuek Urgull mendian kanpatu zuten, Aieteko jauregirako errepidea ikusteko leku ezin hobea baitzen. Orduan hasi zen zabaltzen urte horretan Franco Donostiara etorriko ez zelako zurrumurrua. Taldea urduritzen hasi zen, hogei kilo lehergai plastiko zeuden, heriotza zibilak eragin zitzaketenak, eta Francoren aurka atentatua egitea zen helburua, ez beste jende bat hiltzea. Beraz, Aieteko jauregitik zetorren segizio ofizial bat igaro ondoren leherraraztea erabaki genuen”. Gaur egun, ez dago leherketa horren arrasto fisikorik, baina, urte luzez, Muntoko baserriaren horman lehergailuak utzitako markak egon ziren, eremua berritzeko obrak egin zituzten arte.
Hurrengo urteetan, klandestinitatetik borrokatzen jarraitu zen, baita eragile politiko ezkertiar hainbatekin kolaboratzen ere, hainbatetan atxilotua eta espetxeratua izanda. Gutxienez, beste bi aldiz saiatu zen Alberola Franco hiltzen, La Sexta telebista katean 2020an emandako elkarrizketa batean azaldu zuenez. Azken hatsa eman arte, bere idealak argi izan dituen pertsona horietako bat izan da Alberola.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
Brasilgo Auzitegi Gorenak eman du sententziaren berri, Bolsonaro oraindik Luiz Inazio da Silva Lula Brasilgo egungo presidentea pozoitu eta Alexandre de Moraes epailea hil nahi izateagatik epaitzen ari diren bitartean. Sare sozialik erabili ezin zuenean,... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Boliviako ezkerreko militante historikoa da Nila Heredia, bi aldiz Evo Moralesen Osasun ministro izandakoa. Abuztuan hauteskunde orokorrak izango dituzte, eta herrialdearen egoera politikoa aztertu du elkarrizketa honetan.
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
GKSk eta Etxebizitza Sindikatuak salatu dute Ertzaintzak eta Gasteizko Udaltzaingoak gogor kargatu zutela "giro lasaian" egiten ari ziren ekimenaren aurka. Lau atxilotu, 11 identifikatu eta hamarnaka zauritu utzi zituzten Poliziaren esku hartzeari buruzko bestelako... [+]
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]