Minuturo hamaika pertsona hiltzen dira gosez munduan
OXFAM erakundeak txosten baten plazaratu ditu elikadura pobreziari buruzko azken datuak. Koronabirusak, larrialdi klimatikoak eta gerrek asko okertu dute egoera.
Gosearen birusa bikoizten ari da izeneko txostenean OXFAM erakundeak zabaldutako datuen arabera, azken urtean zehar, elikagaien prezioa %40 hazi da. Igoerak oinarrizko jakiei —zerealak, azukrea, haragia, olioa eta esnekiak— ere eragin die.
Baina baliabide ekonomiko faltaz gain, beste arazo gehigarri batzuk ere badaude gosearen atzean. OXFAMek koronabirusari, larrialdi klimatikoari eta gerrei egozten die nazioartean desnutrizio tasa hazi izana.
2020. urtean, gerrak 22 milioi pertsona utzi zituen janaririk gabe 23 herrialde ezberdinetan; egun, guztira, 100 milioi biztanle daude egoera horretan, gatazken ondorioz.
FAO Nazio Batuen Elikadura eta Nekazaritza Erakundeak, datu horiek berretsi ditu Munduko elikadura segurtasunaren egoera eta nutrizioa txostenean. Bertan adierazi dute 2020an biztanleriaren %9,9 desnutrizio egoeran zegoela, 2019an baino 161 milioi pertsona gehiago. Bereziki Asia, Afrika eta Latinoamerikan biltzen dira datu horiek.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]