“Metroari STOP” lelopean, protesta egin dute Donostian Urkullu lehendakariaren aurrean
Donostiako Metro-pasantearen aurkako agerraldia egin dute hamarnaka lagunek gaur goizean, Urkullu lehendakariak Easoko tren geltokian egin duen agerraldian.
Satorralaia bizilagunen mugimenduak deituta eta “Metroari STOP” lelopean, mezu hori zeramaten aterki eta banderola horiak zabaldu dituzte, protesta gisara, metroaren atarian. Protestarekin “Jaurlaritzak Donostian Metroa eraikitzeko egiten duen propagandaren gezurrak” salatzeaz gain, “hirian desadostasun zabala pizten duen egitasmo hori gelditzeko” eskatu dute bertaratutakoek.
Herritarren artean kontrako iritzi zabala jaso duen egitasmoarekin aurrera jarraitzearen erantzule gisa EAJ jo du Satorralaiak, proiektua “era zeharo inposatzailean” sustatu eta Ana Oregi sailburuak Donostiako garraio publikoaren gaineko gizarte-eztabaida eta parte-hartzeari ateak zabaltzeko hitzemandako konpromisoa albo batera utzi duela azpimarratuz.
Zentzugabekotzat jotzen duten egitasmo hau zuritzeko asmoarekin Jaurlaritzak argudio faltsuak erabili dituela eta herri galdeketa zein eztabaida publikoak martxan jartzeko eskaerei sistematikoki ezezkoarekin erantzun diela salatu dute.
Egitasmo honen aurka egiteko arrazoiak ez zaizkiela falta adierazi dute. Arrazoi horien artean batzuk aipatu dituzte: Donostian metro bat eraikitzea beharrezkoa ez dela, obra baliabide publikoen xahuketa bat dela, Metroaren pasanteak Dbusen ondorio kaltegarriak eragingo lituzkeela edota interesik ez dagoela garraio publikoa hobetzeko dauden bestelako aukera ekonomikoagoetan.
Metro-pasantearen obrak gelditzea, bertara bideratutako diru-partidak jendarteak une honetan dituen premia bizienak asetzera zuzentzea eta Donostiarentzat garraio publiko eredu egokienaren inguruan herritarren partaidetzan oinarrituriko den erabaki prozesu bat abian jartzea exijitzen dute. Agerraldiaz baliatu dira eskaera horiek egiteko datorren ekainaren 2an egingo duten manifestaldiaren deialdia zabaltzeko.
Bilboko itsasadarraren bi aldeak ur azpitik lotu gura dituen tunela egiteko asmoa du Bizkaiko Foru Aldundiak, baina makroproiektuaren kalteak eta gastatuko den dirutza kritikatzen ditu Subflubiala Ez plataformak. Kanpaldia deitu dute asteburu honetarako, proiektua bertan behera... [+]
Bilboko Udalak autoak gutxitu nahi ditu erdigunean, aire kutsadurak behera egin dezan. Horretarako, hainbat hiritan abian jartzen ari diren neurri bera hartu du: gehien kutsatzen duten autoei erdigunera sarrera debekatzea. Talde ekologistek neurria kritikatu dute, besteak beste... [+]
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Iruñeak bat egiten du irailaren 16tik 22ra egingo den Mugikortasunaren Europako Astearekin, mugikortasun iraunkorra eta espazio publiko partekatuari buruzko hausnarketa sustatzeko diseinatutako jardueraz betetako programa batekin. "Konbinatu eta mugitu"... [+]
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.
Beherapenak jasotzeko derrigorrezkoa izango da txartela pertsonalizatzea, eta gutxieneko bidaia kopuru bat izan beharko da. Eguzki erakunde ekologista erabakiaren aurka agertu da, eta adierazi du neurria “zama gehigarria” dela langile klasearentzat, baita trantsizio... [+]