Sanferminak ate joka, greba mugagabea hasi dute billabesetako langileek
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Egun erabakigarria zuten asteartea billabesetako –Iruñeko eta Iruñerriko garraio publikoko autobusak– gidariek, aurreikusita baitzuten greba mugagabeari ekitea lan hitzarmena berritzearen harira abiatuko borrokan. TCC Moventis enpresako zuzendaritzak langile batzordeari helarazitako azken proposamena eztabaidatzeko, ordea, egun bat atzeratu zuten grebaren hasiera, eta autobus publikoen zerbitzua osatzen duten 412 langileek bozkatu zuten eskaintza: 264k egin zuten alde eta 148k aurka. Hortaz, asteazkenetik hasita greba mugagabeari ekin diote autobus gidariek, sanferminak hasteko bost egun falta direlarik.
Lanuzteak sanferminetan izango duen eraginak behartuta, Iruñerriko Mankomunitateak autobus publikoen gutxieneko zerbitzuak ezarri ditu: sanferminak hasi bitarte, puntako orduetan %60koak izango dira; behin sanferminak hasita, berriz, puntako orduetan %70koak izatea proposatu dute. Enpresa batzordeko iturriek Orain hedabide digitalari jakinarazi diotenez, Iruñeko eta Iruñerriko garraio publikoko autobus gidarien artean greba erabateko jarraipena izaten ari da, eta enpresa gutxieneko zerbitzuak betetzen ari da.
Ez da lehen aldia billabesetako langileek lanuztera edo protestara jotzen dutela. Izan ere, autobus gidariek urte eta erdi daramate enpresarekin duten lan hitzarmena berritzeko borrokan. Horren aurrean, TCC Moventiseko zuzendaritzak proposatu die soldatak KPI Kontsumo Prezioaren Indizearen arabera ezartzea, baina langileek hori "atzerapausotzat" hartu dute, aurreko lan hitzarmenean jada jasota baitzegoen.
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Hiru eguneko greba egin zuten ekainean eta enpresak ez ditu bete adierazitako konpromisoak. Horien artean zegoen udako oporren hutsuneak betetzea, CCOO sindikatuak azaldu duenez.