Aralarko suteak hirukoiztu egin zuen aireko partikulen kopurua inguruko herrietan

  • Euskal Herrian eta inguruko lurraldeetan piztu diren suteak ez dira soilik meteorologiaren ondorio, Eguzki talde ekologistaren arabera, "ganaduarentzako eta etekinak ateratzeko eremuak lortzeko erabiltzen dute batzuek klimatologia, eta erretzen dute mendia".


2019ko martxoaren 01an - 06:23
Sutea Aralar naturguneko Zabalegi inguruan (arg.: Eguzki)

Euskal Herrian, Asturiasen eta Kantabrian azkenaldian piztu diren suteen atzean "ganaduzaleen interesak" ikusten ditu Eguzkik, eta adibide bezala jarri du Amezketa eta Bedaioko Zabalegi izeneko parajean, Aralar naturgunean, duela bi egun gertaturikoa.

"Gauez eta nahita eragindako sute horrek ez ditu soilik ondare publikoaren kontura etekinak bilatzen, diru-kutxa publikoei eragindako kalteez gain, herritarren osasunari egindakoa gehitu behar diogu". Bere esanetan, asteazkenean Goierrin sorturiko suteak airearen kalitatea kutsatu du: Tolosa eta Beasaingo aireko kalitatea neurtzeko estazioek partikula kopuru hirukoitza neurtu dute sutea izan eta ordu gutxira.

Eguzkik hainbat eskaera egin ditu halako jatorria duten suteak ez errepikatzeko. Gipuzkoako Foru Aldundiari eskatu dio debekatu dezala sutea izandako eremuetan ganadua ibiltzea hainbat urtez; Eusko Jaurlaritzari hobetu dezala suteak ikertzeko protokoloa; eta udalei eta mankomunitateei sutea sortzen denean herritarrei zer egin azaltzeko neurriak har ditzatela.

 


Kanal honetatik interesatuko zaizu: Natura
Basoilar kantauriarra hibridatzea proposatu dute, galzoritik ateratzeko

Basoilar kantauriarrak (Tetrao urogallus cantabricus) biziraun dezan, beste populazio baten geneak behar dituela ondorioztatu dute Doñanako Estazio Biologikoko ikertzaileek (CSIC). Izan ere, gaur egun basoilarra ehizatzea debekatuta badago ere, aurreko mendean bereziki... [+]


2024-05-14 | Iñaki Sanz-Azkue
Dragoitxo arrunta eta klima aldaketa: etsaia lagun duzunean...

Euskal Herriko gune batzuetan bizilagun ezaguna dute jada dragoitxo arrunta. Nafarroa hegoaldean, esaterako, urteak daramatza (gutxienez 1980ko hamarkadatik) bertako hormetan eta etxe inguruetan gora eta behera, batez ere gau partean, argia duten inguruetan, jatena non... [+]


Aixa Barbarin López, urpeko arkeologoa
"Portuak zabortegiak dira"

Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]


Itzaltzen ari zaigun argia

Urte batzuk ditugunok (nire kasuan, mordoska) sarritan entzun izan diegu gure guraso eta senitarteko helduenei garai bateko ikuskizun harrigarri baten berri. Ipuin baten gertatuko balitz bezala, larreak “argi txikiz” apaintzen zirela maiatza inguruko gau garbietan... [+]


Lan banaketak

Gizakiok ez bezala, erlauntzako hiru partaideek jaiotzetik dituzte eginkizunak argi.


Eguneraketa berriak daude