Mediku euskaldunak falta badira, zergatik EHUk ez ditu eskaintzen Medikuntza plaza gehiago euskaraz?
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta euskarazko plaza guztiak betetzen diren.
aurre egingo dieten hedabide independenteak
Azken lau urteetan espainolezko plazen eskaintza mantendu egin da (200 plaza urtean); euskarazko eskaintza 130 plazakoa zen, eta azken urte honetan 168ra igo dute, espainolezkoaren azpitik. Euskarazko plaza guztiak bete direla ikusita, eta kontuan hartuta osasun sistemak euskaraz dakiten profesionalak falta dituela, hainbat galdera egin dizkio Eusko Jaurlaritzako Zientzia, Unibertsitate eta Berrikuntzako sailburuari Ander Goikoetxea EH Bilduko legebiltzarkideak: euskaraz eskaintzen diren Medikuntza graduko plazak areagotzea beharrezkoa dela uste al du sailburuak? Zein neurri hartuko dira euskarazko plaza gehiago eskaintzeko? Zenbat plaza eskaintzea aurreikusten da datozen lau ikasturteetan?
Juan Ignacio Perez Iglesias sailburuak oso labur erantzun du eta ez da busti, ez du adierazi plazak handitzea beharrezkoa ikusten ote duen. Eman duen argudioa: “EHUk unibertsitate-autonomia du, besteak beste, euskarazko plazen eskaintza erabakitzeko. Unibertsitateak bere kide anitzeko organoetan onartuko du etorkizuneko eskaintza, dagozkion barne-prozedurei jarraituz”.
Sailburua ez da busti, ez du adierazi euskarazko plazak handitzea beharrezkoa ikusten ote duen. Eman duen argudioa: "EHUk unibertsitate-autonomia du"
Errealitatea da euskaraz ez dakiten medikuak eguneroko ogia direla Osakidetzan, arreta euskaraz nahi duten herritarrak egoki artatzeko gai ez diren medikuak; etorkizuneko medikuek euskaraz jakitea bermatu nahi bada, zergatik ez handitu euskarazko plazak Medikuntzan, jakinik plazak beteko direla? Zergatik segitzen du izaten handiagoa espainolezko plazen eskaintzak, Euskal Herriko Unibertsitate publikoan?
Sakonago aztertuta, medikuak falta badira Osakidetzan, zergatik ez da handitzen Medikuntza ikasteko eskaintza modu nabarmenagoan, jakinik Medikuntza ikasteko prest dauden gazteak askoz gehiago direla eskaintzen diren plazak baino? Jon Diaz EHUko irakasleak pribatizazioarekin lotzen du afera, ARGIAn kontatu zigunez: “EHUn 368 plaza baino ez dira eskaintzen Medikuntza graduan, nahiz eta azken hamar urteotan urtero 2.000tik gora ikaslek Medikuntza ikasi nahi izan duten. Aldi berean, Osasun sailburuari behin eta berriz entzun diogu ez dagoela nahikoa medikurik. Zergatik ez da, orduan, atea gehiago zabaltzen eta plaza gehiago eskaintzen? Osakidetzaren barruko egoera bermatuta dagoelako osasungintza pribatuaren alde; Quironek alfonbra gorria du gurean. Larritasun egoerara eraman dute publikoa eta pribatuari eskaintza luzatu diote”.
Behin eta berriz entzun dugu ez dagoela nahikoa medikurik. Zergatik ez da atea gehiago zabaltzen eta Medikuntzan plaza gehiago eskaintzen? Pribatizazioarekin lotu du afera Diazek
Diazen iritziz, horri gehitu behar zaio karreretako plaza publikoen eskaintza egiten denean Eusko Jaurlaritzak kontuan hartzen duela ikasleen proportzio bat unibertsitate pribatura joango dela, eta eskaintza egiten duela “beti ere pribatuaren interesen mesedetan”.
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
EHUk, aldiz, azaldu du ezinezkoa dela hitz emandako 40 plaza berriak eskaintzea, ez baitute horretarako baliabiderik. Plaza berrien kopurua pixkanaka areagotzeko asmoa erakutsi du EHUk.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Martxoaren lehenengo lanegunarekin batera, komunikabideetan azalduko ez diren aldaketak etorri dira EHUn. Azken Lan Publikoko Eskaintzaren ondorioz, ehunka langile –arlo tekniko eta administrazio zerbitzutakoak– orain arte okupatzen zuten lanpostutik atera eta beste... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]