EHU: IKT zerbitzu etikoago baterantz
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak aurreko astean: “Aurrerantzean enpresekin sinatzen diren hitzarmenetan giza eskubideak errespetatzeko eta armagintzarekin harremanik ez” izatea du helburu. CAF enpresak testuinguru horretan duen jarrera salatzen da egunotan EHUko Gobernu Kontseiluaren partetik, baita EHUko langileen ordezkaritzatik eta ikasle mugimenduaren aldetik ere. Txalotzeko modukoa da, zalantzarik gabe, EHUk etikaren norabidean irizpideak garatu eta gauzatzeko asmoa, diru-galera ekartzen badio ere.
Nahiz eta hemen eta eztabaida horretan oraindik gutxiagotan agertu, jakina da AEBetako oligarka-kuadrillaren enpresek parte hartze aktiboa dutela israeldar estatua gidatzen ari den genozidioan: Microsoft eta OpenAIk, esaterako, AEBetako armadarentzat lan egiteaz gain, Israelgo armadarekin hitzarmenak dituzte, eta enpresa haien hodei eta adimen artifizialeko zerbitzuek genozidioa modu efikaz eta efizientean gauzatzen laguntzen dute.
Galde dezagun zenbat diru ematen zaion Microsofti EHUko aurrekontutik, eta software libreko azpiegitura bat kudeatzeko IKT zerbitzu on batek zer kostu izango duen horrekin alderatuta, diruari nahiz etikari begira
CAF ez bezala, AEBetako oligarka-kuadrillaren enpresak ez daude Euskal Herrian kokatuta, ados, baina EHUk aldarrikatzen duen kode etikoak haiek ere aintzat hartu beharko lituzke. Are gehiago, diru publikoaz gain, ikasleen matrikuletatik datorren diruaz ere Microsoft enpresa gure eguneroko jardueran sustatzen dugunean. Errektoretzan jarduten zuen aurreko taldeak hitzarmen globala sinatu zuen; langileon iritzia jaso gabe, Microsoft jarri ziguten egun batetik bestera, eta, honezkero, hodei, postontzi eta bideo-bilerak egiteko Microsofteko zerbitzuak erabiltzera behartuta gaude langileok nahiz ikasleak (eta EAEko lehen eta bigarren hezkuntza publikoan gauza bera gertatzen da). Ikasgela guztietako ordenagailuetan Microsoft Windows dugu, Linux beharrean.
EHUk Microsoftekin hitzarmena egin izana aspalditik problematikotzat jotzen dugu, gure datuak Kaliforniako zerbitzari batzuetan gordetzen direlako, euskarazko lokalizazioak konponduko ez dituzten akatsak dituelako, onedrive, outlook nahiz teams zerbitzuak erabilgarritasun-arazo larriak dituztelako, guretzako bezero-arretarik ez dagoelako. Microsoft enpresak Trumpen Department of War (Gerraren departamendua) horretan nahiz Palestinako sarraskian duen inplikazioak larritu egiten du harekiko dugun ezinegona maila jasanezin bateraino. Gainera, zerbitzu horiek guztiak bermatzeko software librean oinarritutako alternatibak badaude.
Aldaketa gauzatzeko bidean, gardentasuna behar dugu lehendabizi: galde dezagun, beraz, zenbat diru ematen zaion Microsofti EHUko aurrekontutik, eta software libreko azpiegitura bat kudeatzeko IKT zerbitzu on batek zer kostu izango duen horrekin alderatuta, diruari nahiz etikari begira.
David Lindemann, EHUko irakasle-ikertzailea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
