247 milioi euroko ikerketa proiektuei uko egin die EHUk, Israelgo erakundeek zuten parte-hartzeagatik
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak zituen proiektuak aztertzeko gisan.
Israelgo erakundeekiko loturak mozteko erabakia gauzatu du Euskal Herriko Unibertsitateak. "Palestinako herriaren kontrako genozidioa lehentasunezko auzia da gure unibertsitatean", adierazi du asteazkenean burutu prentsaurrekoan Joxerramon Bengoetxea EHUko errektoreak. Estitxu Garai eta Asier Blas ere egon dira agerraldian. Hori horrela, Israelgo erakundeekin zuten parte hartzeagatik, hainbat ikerketa proiekturi uko egin dio EHUk, guztira 247 milioi euroko balio zutenak.
Erabaki hori, Gobernu Kontseiluak 2024ko apirilaren 24an onarturiko erabakiaren jarraipena da. "Palestinan gertatzen ari diren gizateriaren aurkako krimenak berariaz gaitzesten ez dituzten Israelgo unibertsitate eta erakundeekin harremanak ez izateko eta hausteko konpromisoa" hartu zuten manifestu horren bidez.
Era berean, aurrerantzean enpresekin sinatuko diren hitzarmenetan giza eskubideak errespetatzeko eta armagintzarekin harremanik ez izateko klausula gehitzea proposatuko du Gobernu Kontseiluaren ondoko bileran. Euskal enpresekin indarrean dauden akordio edo harremanak ere berrikusiko dituztela jakitera eman dute agerraldian.
Gaur egungo errektoretza taldeak kargua hartu aitzin pasatako akordioak berrikusteko lan talde bat sortzeko xedeak ere mahai gainean jarraitzen du. Hala, Bengoetxeak gogoratu du uda aurretik proposatu zela Palestinaren aldeko unibertsitateko mugimenduaren parte hartzea izanen duen gisa horretako batzorde bat eratzea: "Uste dugu beharrezkoa dela EHUn Palestinaren alde lanean ari diren taldeak ere batzordean izatea".
EB eta Espainiako Gobernuari deia
Europar Batasuneko erakundeei eta Espainiako Gobernuari ere eskatu diete Israelgo unibertsitateak atera ditzatela ikerketa nahiz akademia eta kultura elkarlanerako diru-funtsetatik. Gaur egun, ikertzaile israeldarrek Europako ikertzaileen baldintza berberetan jasotzen dituzte diru-funtsak, Israelgo Gobernuarekin dagoen elkartze-akordioaz baliatuta. "Dirua jartzen duten erakundeak dira ezinbestean eskua hartu behar dutenak ikerlari eta ikerketa taldeen lana blindatu eta proiektuetako partaidetzak arriskuan ez jartzeko", Bengoetxearen hitzetan.
Ikerlari palestinarrekin elkarlana
Universitaires avec Gaza eta Univ-Gaza Frantziako taldeekin harremanetan dago EHU, Palestinako ikertzaileak handik atera eta EHUra ekartzeko aukera aztertzen, Frantziako nahiz Iparraldeko unibertsitateekin elkarlanean. Ildo beretik, Ikasleen eta Gizarte Konpromisorako Errektoreordetzak beka-deialdi bat onartuko du, espresuki Palestinako ikertzaileei ostatu eta mantenu laguntzak emateko. Zehaztu dutenari segi, helburua da, Nazio Batuen Erakundeko hainbat organok aitortu moduan, "Palestinako ikertzaileen larrialdi-egoera eta muturreko kalteberatasuna aitortzea".
Palestinaren aldeko Global Sumud Ontzidiari elkartasuna adierazita bukatu dute prentsaurrekoa.
Genoako portuko langilea da duela hogei urtetik, eta Portuko Langileen Kolektibo Autonomoko (PLKA) kidea da Italo. Erakunde hori 2011n sortu zen, eta azken asteetan ospetsu egin da nazioarteko komunikabideen, haien kide batek ziurtatu zuenean Israelgo Estatuak Gazara doan... [+]
Ia ehun Ministro Kontseilutan genozidioaren kolaboratzaile zuzenen ondoan eserita egon ondoren, IU haserre-plantak egiten ari da eta mahaia uzteko mehatxua egin du.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]