Maider Etxebarria, Gasteizko alkateordea (PSE): “Ezin dut jasan EAJren ‘turra’ euskararekin”

  • Gasteizko Udaleko alkateordeak euskararen aurkako adierazpenak egin zituen asteburuan El Correo egunkariak argitaratutako elkarrizketan. Udal hauteskundeetan PSEren alkategai bezala errepikatuko du Etxebarriak.

Argazkia: socialistasvascos.com

2022ko ekainaren 01an - 09:58

Elkarrizketatzaileak Joseba Egibarren adierazpen batengatik galdetu zion Etxebarriari: “Zer iruditzen zaizu EAJk esatea euskara dela euskaldun egiten gaituena?”. Horrela erantzun zuen Etxebarriak: “Ezin dut gehiago jasan EAJren turra euskararekin. Bost hizkuntza dakizkit eta euskara ikasi eta hitz egiten dut gustatzen zaidalako, filologoa naizelako. Ez dut nire burua euskara hobeto edo okerrago hitz egiten duen bat baino euskaldunagotzat hartzen. Aski da, utz diezaiotela txorakeria horiek esan eta euskal txartelak banatzeari. Euskadiko nazionalismoaren zati batzuen harrotasunaren adibide da. Jokaldia borobiltzeko, Egibarrek esan zuen EAJren beraren itzulpen akatsa izan zela. Bere burua hobetzat duenaren ohiko basakeriak eta zakarkeriak dira. Agian erakusten duena gutxiagotasun konplexu bat da. Hala bada, berak senda dezala”.

Elkarrizketa berean, Etxebarriak baieztatu zuen hurrengo udal hauteskundeetan PSEren Gasteizko zerrendaburua izango dela berriz ere: “Eneko Anduezari eskertzen diot egin dudan lana aintzat hartzea eta bere konfiantza. Gasteizen proiektu sozialistaren lidergoa eramateko indar handiz ikusten dut nire burua”.

Andoni Ortuzar EAJko presidenteak Radio Euskadin erantzun ditu Etxebarriaren hitzak: “Iturgaiz gogoratu zidan PSEko buruzagi bat baino gehiago”. Gorka Urtaran alkateak ez du bere alkateordeak esandakoaren inguruan adierazpenik egin. Sare sozialetan hainbatek euskarafobia leporatu diote Etxebarriari.


Kanal honetatik interesatuko zaizu: Euskara
Mila esker, euskara

Mila esker, euskara, gure gaitzaren sintomak erakusteagatik. Izan ere, hemen arazorik ez dugula emanen luke, zuregatik ez balitz, menderakuntzarik ez dagoela, posible dela garrantzizko ezer gertatuko ez balitzaigu bezala bizitzea. Tira, nahiko genuke hori ameskeria fantasiosoa... [+]


2024-05-20 | ARGIA
"Geldi euskara zapaltzea" margoketagatik, pertsona bat auziperatuko dute

Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.


2024-05-20 | ARGIA
Nafarren %26ak euskararen ezagutza mailaren bat dauka

Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.


Euskara lehenestea eskatu diote Jaurlaritzari eta EITBri Gasteizko kaleetan

Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.


2024-05-17 | ARGIA
Auzitegi Gorenak ez du onartu tramitera Gipuzkoako Aldundiak Uliazpiko hizkuntz eskakizunen harira jarritako helegitea

2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]


Eguneraketa berriak daude