“Lurraldea eta Hizkuntza. Arnasguneen garapen jasangarrirantz” jardunaldia eginen dute urtarrilaren 23an
Gipuzkoako Aldundiak, Kontseiluak, UEMAK, UEUk elkarlanean antolaturiko jardunaldia eginen dute Donostian. Gai hau lantzeko bosgarren edizioa dute aurtengoa.
"Nazioarteko esperientzien berri izateko, garapen soziekonomiko endogenorako ereduak ezagutzeko, arkitektoen betaurrekoak janzteko eta arnasguneetan oinarritutako hizkuntza politiken ereduan sakontzeko saioa izango da oraingoa". Horra nola aurkeztu duten urtarrilaren 23an eginen duten "Lurraldea eta Hizkuntza. Arnasguneen garapen jasangarrirantz" jardunaldia. Hitzetatik ekintzetara pasatzeko asmoz, garrantzia handikoa dute gogoeta egun hau antolatzaileek. Hala nola, Iraitz Lazkano UEMAko zuzendariak ondokoa zehaztu du: "Aurreko urteotako jardunaldietan arnasguneen garapen iraunkorrerako oinarriak mahai gainean jarri genituen, baina horiek nola abiarazi zehaztea ere garrantzitsua da, egin beharrekoen bidea ere zabaltzen hasteko, hitz hutsetan gera ez gaitezen".
Goiz honetan burutu dute prentsaurrekoa antolatzaileek, hau da, Gipuzkoako Aldundiak, Kontseiluak, UEMAK eta UEUk. Zehaztu dutenez, topaketa urtarrilaren 23an eginen dute Donostiako San Telmo Museoan. Matrikula ueu.eus webgunean egin daiteke, eta zuzenean ere jarraitu ahal izango da UEUren Youtubeko kanaletik.
Elkarlanaren garrantzia azpimarratu du Kepa Sarasola UEUko zuzendariak: "Argi geratzen baita indarrak batuz emaitzak lortzen direla". Garbiñe Mendizabal Gipuzkoako Foru Aldundiko Hizkuntza Berdintasuneko foru diputatuak dionaz ere, arnasguneak "babestu ez ezik, hizkuntzaren erabileraren ikuspegitik dituzten ezaugarriak garatzeko eta zabaltzeko beharra" bada, eta "ahalegin partekatu horretan" Gipuzkoak lurralde gisa duen konpromisoa berretsi du.
Horra egunaren egitaraua:
09:00-09:15: Agurra eta jardunaldiaren hasiera.
09:15-10:45: Gaeltacht-en garapen politika. Bilakaera eta ikasgaiak.
Conchúr Ó Giollagáin (University of the Highlands and Islands).
Elkarrizketatzailea: Paul Bilbao (Kontseilua)
10:45-11:30: Lurgune euskaldunen garapena eskualde eskalan.
Joseba Garmendia. (Iñaki Arregi bekaren irabazlea).
Eztabaida gidatua: Imanol Esnaola (Gaindegia)
11:30-12:00 Atsedena
12:00-12:45: Arnasguneen garapen jasangarria arkitekturaren ikuspegitik.
Nora Erdozia (arkitektoa) eta Arritxu Zelaia (hizkuntza aholkularia)
12:45-14:15: Mahai ingurua, Arnasguneetan oinarritutako hizkuntza politikak.
Gonbidatuak:
• Iratxe Arriola (Ea)
• Olatz Peon (Tolosa)
• Oier Oiarbide (Gabiria)
• Joseba Otondo (Baztan)
Moderatzailea: Iker Salaberria (Kontseilua)
14:15-14:30 Ondorioak.
“Eta euskaraz egiten badugu?” lelopean, hasi da dagoeneko, Mintzapraktikako izen-emate kanpaina Euskal Herriko hainbat herri eta hiritan. Beraz, ikasturte osoan zehar, zaletasun ezberdinen bueltan euskara praktikatzeko aukera izango dute parte-hartzaileek.
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Euskal Burujabetzaren Barometroaren seigarren neurketa aurkeztu dute asteartean Donostian. Euskal Herriarekiko atxikimendua da nagusi oro har, baina Nafarroan Nafarroarekikoa gailentzen da. Euskara ez dago euskal sentimendua azaltzeko gako nagusien artean, baina gaztelera eta... [+]
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Irailaren 16tik 22ra iraganen da euskararen erabilpena bultzatzeko xedez antolaturiko festibala. Baiona, Angelu eta Miarritze hirietan bideraturiko festibalaren hamahirugarren edizioa dute aurtengoa.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Garai hiper azeleratu eta likido hauetan erantzun sendoek heldulekuak eskaintzen dizkigute. Erraza da krisi garaietan halako premisa bati heldu eta zure egitea, bandera altxatzeraino. Inguruan gertatzen ari den guztia ulertzeko erantzunak behar dituzu, erantzun azkarrak; eta... [+]