78 urteko emakume bat da Espainiako Estatuan koronabirusak kutsatuta hil den lehen presoa. Martxoaren 20an Estremerako espetxetik Arganda del Reyko ospitalera eraman zuten eta asteartean hil da.
Espetxeetako iturrien arabera, Madrilgo Estremerako kartzelan zegoen emakumea preso eta hainbat patologia zituen aurretik. 50.800 preso inguru daude Espainiako Estatuan eta horietatik lau izan dira koronabirusak kutsatutakoak.
Zendu den emakumeaz gain, Estremerako beste bi presok positibo eman dute, eta Arabako Zaballa espetxean dago laugarren kutsatua, baina dagoeneko alta eman diote. Espetxeetako funtzionarioei dagokienez, kutsatutakoak 38 direla adierazi dute.
Europa Pressek jaso duenez, aipatu espetxeetako iturrien arabera, espetxe-erakundearekin lotura duten 350 langile zaintzapean daude Covid-19ren ondorio izan litezkeen sukar, eztul edo bestelako sintomak dituztelako. Horietatik 225 etxean isolatuta dauden funtzionarioak dira eta gainerako 125ak presoak, segurtasun neurri sendoagoak dituzten ziegetan sartuta.
Espetxe Erakundeek hainbat neurri hartu dituzte koronabirusari aurre egiteko. Presoen zenbait eskubide murriztea izan da lehena, hala nola bisitak eta ateratzeko baimenak mugatzea.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.