Laura Perez: "Nafarroan oso argi dago 'kasta' zer eta nor den"

  • Nafarroako Podemos-Ahal Duguko idazkari nagusi izendatu ostean, Laura Perezek Euskalerria Irratiari eskaini dio lehen elkarrizketa. Aldaketa politikoaren aldeko mezua berretsi du adierazpenetan.

Gorka Bereziartua Mitxelena @boligorria
2015eko otsailaren 16a
Laura Perezek UPN, PSN eta PPNrik gabeko gobernuaren aldeko hitzak egin ditu Euskalerria Irratian.

“Nafarroan oso argi dago kasta zer eta nor den. Botere ekonomiko eta politikoaren arteko erlazio hori beti eman da”, esan du Perezek, PSN kasta gisa sailka ote daitekeen galdetuta.

UPNren eta PPNren talde berean sartu ditu sozialista nafarrak. “Ez dakit momentu honetan PSNn nork jarrai dezakeen. Alderdi horri bozkatzen zioten oinarriak kontuan izan nahi ditugu, baina etor daitezela Podemosera”.

Juan Kruz Lakasta kazetariak presio mediatikoaz ere galdetu dio, primarioen emaitza jakin eta berehala ABC egunkari espainiarrak argitaratu baitu “Pablo Iglesiasen kontrako” korronteak irabazi duela Nafarroan eta Bildurekin paktatzearen aldekoa dela.

Zarata mediatiko hori urrun sentitzen duela dio Perezek. Eta beren erabakiak “gizarteak erabakitzen duena” entzun ondoren hartuko dituztela. “Ez dugu astirik izan Pablo Iglesiasekin hitz egiteko”, gaineratu du, baina ez du uste Espainiako Estatuko Podemosen idazkari nagusiarekin arazorik izango dutenik.

Podemos izenarekin aurkeztu ala beste marka bat erabili?

Joan Josep Bosch buru zuen hautagaitzak ez bezala, Perezenak datozen udal eta foru hauteskundeetan Podemos izenarekin aurkeztea lehenetsi du.

Gai korapilatsua da alderdi barruan. Badirudi Madrilgo Podemoseko kideak beldur direla Euskal Herrian hartzen diren erabakiek alderdiaren Estatu osoko estrategia kaltetuko ote duten –horregatik jarri da mahai gainean beste marka batekin aurkezteko aukera–.

Bide hori guztiz baztertu ez badu ere, Perezek Iruñerriko irrati euskaldunean zalantza agertu du: beste izen bat erabilita ere, Espainian gerta litekeen eztabaida eragotziko duenik ez du uste. Gaia mahai gainean jartzearen aldekoa da: “Ez dugu beldurrik izan behar hemengo egoerari buruz hitz egiteko”.

Erabakitzeko eskubidearen alde

Elkarrizketaren azken zatiak alderdiaren ustezko indefinizioa izan du ardatz. Podemos-Ahal Duguri erabakitzeko eskubidea bezalako gaietan iritzirik ez ematea leporatzen diotenei erantzun die Perezek: “Oso argi dago erabakitzeko eskubidearen alde gaudela, are gehiago, prozesu konstituziogile bat abiatzearen alde gaude”.

Hizkuntza eskubideen gaian ere antzeko hitzak erabili ditu, lehenago egin izan dituen adierazpenak berretsiz: “Nafarroa osoan euskaraz bizitzeko eskubidea defendatzen dugu, administrazioarekin euskaraz hitz egin ahal izatea… Pixkanaka neurriak hartu behar dira guztion eskubide hori bermatu ahal izateko”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Podemos kanaletik interesatuko zaizu...
2018-10-18 | ARGIA
Presoen auzia konpontzea, egiteke geratu diren lanen artean

Harremanetarako Nazioarteko Taldeak bukatutzat eman du Euskal Herrian zuen egitekoa. Brian Currin abokatuak asteazkenean emandako prentsaurrekoan adierazi du badirela gai batzuk konpontzeke geratu direnak, nabarmenduz "preso politikoen auzia".


2018-10-11 | Juan Mari Arregi
Aurrekontu sozialak lehenetsi

EH Bilduk eta Elkarrekin Podemosek Lakuako gobernuari EAEko aurrekontuak onartzeko egindako proposamenek, mahai gainean jarri dute hauen garrantzia.


2018-10-11 | ARGIA
Naval erreskatatzeko deia, langileen kontratuak eten eta ateak behin betiko ixtear dela

3.000 lagun inguru bildu ditu asteazken arratsaldean Naval ez itxi lelopean Sestaon egindako manifestazioak. Zuzendaritzak jakinarazi du hilabetea amaitu baino lehen etengo dituela 177 langileen kontratuak.


2018-08-24 | ARGIA
Franco deshobiratuko dute, lege-dekretu bidez

Erorien Haranean dauden Francisco Franco diktadorearen gorpuzkinak aterako dituztela iragarri du Carmen Calvo Espainiako Gobernuko presidenteordeak.


2018-08-09 | Patxi Azparren
Euskal Naziotasuna: Podemos eta bestelakoak

Etxebizitzen prezioaren iruzur erraldoiak jaioterritik (Donostiatik) bota baninduen ere, orain arte, beti, Gipuzkoan erroldatuta eta lan egin dut. Halere, oraindik arrotz dut EAE delako eremua. Pais Vasco; EAE; Comunidad Autonoma... horiek guztiak ez ditut atsegin.


2018-07-22 | Xabier Letona
Laura Perez, Nafarroako Podemos-Ahal Duguko idazkari nagusi ohia
"78ko Erregimenaren beste makulu bat izaten amai dezake Podemosek"

Hiru urte pasatu dira Laura Perezi (Iruñea, 1980) Iruñeko Calisto tabernan elkarrizketa egin genionetik. Orduan ez zen artean Nafarroako Podemos-Ahal Duguko idazkari nagusi, orain ere ez. Baina bi urtez izan da Nafarroako buru, iragan otsailean kanporatu zuten arte. Energia handiko emakumea da Nafarroako foru parlamentaria. Zazpi parlamentariotik lau dira soka berekoak, gehiengoa; alabaina, alderdi oso batekiko lehiaren nekea antzematen zaio bere jardunean.


2018-06-17 | Fermin Erbiti
Politikaren amildegiak

Politika ez da ordoki goxoa, bide malkartsua baizik. Politikariek, eta bereziki agintariek, ongi dakite ofizioak ez duela zer ikusirik zientzia zehatzekin. Politikakoak kontu korapilatsuak izateaz gain, jende askori eragiten diote, bakoitzari modu diferentean. Erabakiak hartzerakoan, beraz, ez da erraza etekin eta kalte politikoen inguruko hausnarketan asmatzea. Kalkulu, arau edo iraganeko lezioek ere gutxi balio dute, ziurgabetasunaren eremuan mugitzen baikara. Politikaria amildegiaren... [+]


2018-06-13 | ARGIA
Pentsioak KPIren arabera igotzea adostu dute, krisi ekonomikoa etortzen bada nola jokatu airean utziz

Toledoko Paktuaren jarraipen batzordea bildu da asteartean eta 2013tik Espainiako Estatuko pentsio-sisteman indarrean dagoen aldaketa bertan behera utziko duen erabakia hartu du: pentsioak Kontsumorako Prezioen Indizearen  (KPI) arabera igoko dira berriro. Baina erabakiak badu letra txikia: ekonomia beheraka hasten denean nola jokatu airean geratu da.


'Ahora Si-Orain Bai' izenarekin segituko dute Podemoseko kritikoek

Podemos-Ahal Dugutik bota zituztenetik aste batzuk pasa direnean gaur erregistratu dute Laura Perezek, Ruben Belaskok, Fanny Carrillok eta Carlos Cousok parlamentuan hartuko duten izen berria.


2018-05-23 | ARGIA
Rubén Velasco parlamentario nafarrak Ahal Dugu utzi du

Hasierako baloreak eta ideiak atzean utziz, alderdia gainbeheran doala salatu du Velascok eta Ahal Dugun baja eman duela iragarri du: "Ordukoa beste Podemos bat zen, auzokoagoa eta ez luxuzko urbanizaziokoa".

 


Azkenak
EGILEA
Eguneraketa berriak daude