Nafarroan "euskaraz bizitzeko" eskubidea defendatuko du Podemosen Nafarroa Aldatu hautagaitzak

  • Nafarroako Podemos-Ahal dugu herrialdeko Hiritar Kontseilua hautatzeko primarioetan murgildua dago. Hiru barne hautagaitza dira Nafarroan eta otsailaren 8an amaituko da kanpaina. Info7 irratiko Kalegorrian saioan Laura Perez, “Nafarroa aldatu ahal dugu” hautagaitzako burua elkarrizketatu zuten ostegunean. Euskaraz bizitzeko eta euskara ikasteko eskubideak babestuko dituela esan zuen Perezek, “Nafarroa guztian, zonaldea kontuan hartu gabe”.


2015eko otsailaren 06an - 10:20
Azken eguneraketa: 2015-02-26 13:37:33
Laura Perez da "Nafarroa Aldatu" hautagaitzaren burua. (Argazkia: eldiario.es).

Gai sozialetan Nafarroako Podemosen hautagaitzek iritzi antzerakoa duten arren, gainerako alderdiekin paktuak egiteko dituzten asmoak desberdinak dira.

Inorekin traturik ez egitea babesten du Sandra Gonzalezen “100% ADN Podemos” hautagaitzak eta Perezek irratian azaldu zuenez, “Gonzalezen hautagaitzakoren batek EH Bildurekin akordio bat lortu baino lehen UPNrekin negoziatuko lukeela ere esan du”.

Beste hautagaitzari dagokionez, “Boschen 'Nafarroak Ahal du' hautagaitza ez da definitu gai horren inguruan baina gu bai, guk kasta diren UPN, PSN eta PP alderdiekin ez dugu akordiorik egingo” adierazi zuen Nafarroa Aldaturen hautagaiak mikrofono aurrean. Hala ere, Joan Boschen hautagaitzak Espainiako Podemosen babesa duela dirudi.

Otsailaren 9tik 13ra bozkatuko dituzte hautagaitzak Nafarroan eta emaitzak otsailaren 14an ezagutaraziko dira. Podemosen Nafarroako idazkari nagusia izateko hautagai da Laura Perez baina hautatua izanez gero, ez luke ziurtatuta edukiko Nafarroako parlamenturako hautagaia izatea.


Kanal honetatik interesatuko zaizu: Podemos
Ahal Dugu eta Sumar bananduta aurkeztuko dira Eusko Legebiltzarreko hauteskundeetara

Lander Martínez Sumarreko bozeramaileak egintzat eman du banaketa eta Alba García alderdi horretako lehendakarigaiak ere ez du gaur gaurkoz posible ikusten koaliziorik.


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


Sumar koalizioa Madrilen bai, baina Gasteizen ez

Euskadiko Podemosen koordinatzaile nagusi Pilar Garrido, Sumarren Gipuzkoako zerrendaburua izan zena Espainiako hauteskundeetan, koaliziotik kanpo aurkeztearen alde mintzatu da Eusko Legebiltzarreko datozen bozketei begira. “Euskadiko jendea mobilizatzeko balio du... [+]


Inbestidura prozesua ezusteko gabe igarota, Chivitek Nafarroako lehendakari kargua hartu du

11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]


2023-05-29 | ARGIA
EH Bilduk eta abstentzioak EAJren nagusitasuna apaldu dute

Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]


Eguneraketa berriak daude