Korsikako Asanblean frantsesa inposatzen jarraitzen dute, korsikera debekatuta
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi du Asanbleak.
Auzitegiak argudiatzen du Konstituzioaren bigarren artikuluaren arabera “frantsesa Errepublikaren hizkuntza” dela eta horren aurka egiten duela Korsikako Asanbleak eta Gobernuak duten barne-arautegiak: alegia, legebiltzarkideek eta langileek bai frantsesa bai korsikera erabili ahal izatea.
Debekuari helegitea jarri arren, bere horretan mantendu da epaia. Orain, Estatu Kontseiluan helegitea jartzeko aukera du Asanbleak.
Oharra ere egin dute Korsikako Gobernuak eta Asanbleak, elkarrekin kaleraturiko agirian: epaiak korsikeraz hitz egiteko eskubidea baztertzen du, baina euskarari, bretoierari, okzitanierari eta tokiko hizkuntza guztiei eragin diezaieke, horiek erabiltzeko eskubidea ere baztertzen baitu, “ez soilik erakundeetan, baizik eta bizitza publikoari dagokion edozein ekimenetan”.
"Korsikera legez kanpokoa Korsikan! Imajina daiteke korsikar herriarentzako egoera diskriminatzaileagorik?"
Emmanuel Macron Frantziako Gobernuko presidentearen hitzek sortutako harrabotsetik astebetera iritsi da albistea. Macronen arabera, “tokiko hizkuntzak nazioa zatitzeko tresna dira”.
2023ko epaiaren aurrean, erabaki diskriminatzailea dela salatu zuen Korsikako Kontseilu Exekutiboak, ARGIAn kontatu genuenez: “Korsikako hautetsiei debekatu egiten die euren hizkuntzan hitz egitea, Korsikako Asanblean, Exekutiboan, eta ekitaldi publikoetan. Erabaki judizial honek eta horren arrazoiak berresten dute konstituzioa erreformatzeko beharra, zehazki korsikerari koofizialitatearen estatusa emateko, beharrezkoa dena hizkuntzaren biziraupena eta garapena bermatzeko”.
Femu a Corsica alderdi abertzaleko kide François Alfonsik ere diskriminazioa kritikatu zuen: “Korsikera legez kanpokoa Korsikan! Imajina daiteke korsikar herriarentzako egoera diskriminatzaileagorik?”.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]
Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]