ARGIA.eus

2022ko azaroaren 28a

Yvan Colonnaren heriotza ikertzeko batzordea sortu du Frantziako Legebiltzarrak

  • Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.

Martxoaren 25ean ehortzi zuten Colonna korsikar independentista
2022ko azaroaren 24a - 11:03

Martxoaren 21ean zendu zen Yvan Colonna korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Hilketa hori ikertzeko batzordea sortzearen alde agertu da Frantziako Legebiltzarra azaroaren 23 honetan. Aho batez onartu du Asanblea Nazionaleko Legeen Batzordeak Jean-Félix Acquaviva eta Paul Andre Colombani korsikar diputatuek uztailean egindako eskaera.

Gehienez sei hilabetez iraunen du ikerketak, eta gertakizunaren oinarrian dauden "itzal guneei" begira jarriko dira, nagusiki Colonnaren hiltzaile Franck Elong Aberen kartzela baldintzetan zentratuz.

Korsikako Asanbleak aho batez babesturiko eskaera izan da, eta askotariko korsikarren multzo zabalak ere bat egiten du ikerketa bideratzearekin. "Justizia eta egia" galdatzeaz gain, korsikar diputatuek ezinbestekotzat daukate Frantziaren eta Korsikaren arteko "berradiskidetzea" lortzeko bidean. "Demokrazia ariketa garrantzitsutzat" jo du ikerketa ariketa Acquaviva diputatuak.

Martxoaren 2an pairatu zituen Colonnak zortzi minutu luzez beste preso baten ukaldi bortitzak eta urkatze saiakerak, presondegiko zaindariak berantean –berandu– konturatu ziren arte. Gertakizunak haserrea azaleratu zuen irlan, lehen lerroan jarriz autodeterminazioarik ez duen Korsikaren auzi politikoa.

Colonnaren alargunak agiria korsikarrei

Nahiz eta gaia ez den gehiago aktualitatearen lehen lerroan, giroak bero segitzen du Korsikan. Adibidez, leherketak izan dira azken egun horietan bi bigarren etxebizitzen kontra. YC pintaketak eginak izan dira ekintzen gunean, hots, Yvan Colonna-ren lehen hizkiak. Hori horrela, agiri bidez zabaldu du bere irakurketa Yvan Colonna zenaren alargunak: "Jarraitzaile nazionalistei argi utzi nahi diet Yvanen memoria 'laudatzeko' bideraturiko manifestazio eta ekimenak ez direla nire eta gure umearen onespenarekin antolatuak; azkenean, intentzio txarrez dabiltzan 'pseudo' antolatzaileen estakuruak dira, ospe politikoa edo sosa lortzeko dabiltzala". Hainbat komunikabideri bidali die irakurketa.

Kanal hauetan artxibatua: Korsika  |  Politika  |  Korsika  |  Justizia

Korsika kanaletik interesatuko zaizu...
2022-08-11 | ARGIA
Adierazpen bateratua izenpetu dute Korsikako, Kanakyko, Guyanako, Polinesiako eta Euskal Herriko alderdi independentistek

Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.


Korsikaren autonomiari buruzko negoziazioak abiatu dituzte Parisen

21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.


2022-06-23 | ARGIA
Currilingua
Korsikan antolatu duten Korrikaren bigarren edizioa

Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.


2022-05-04 | Irulegiko Irratia
Korsikako nazio askapen mugimendua

Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.


'Etnozidioa: Frantziako Tabua' jardunaldietako kronika

ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]



Irakurrienak
Argia buletina
Egunaren laburpena
zure e-postan
Eguneraketa berriak daude