Korsikako Asanbleak uztailaren 4an adostu beharko luke Frantziari proposatuko dion autogobernu heina

  • Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.

Korsikako Asanblea. Argazkia: Isula.corsica

2023ko ekainaren 22an - 11:42

Korsikaren burujabetzari buruzko saio berezia egitekoa zutela jakitera emana zuen Korsikako gobernuburu Gilles Simeonik. Saio hori uztailaren 4an izanen du irlako asanbladak. Garrantzia handikoa izanen da, orduan erabaki beharko luketelako Frantziako Gobernuari zer nolako autogobernua eskatu.

Aitortza instituzional horri buruzko desadostasunak daude: batetik, Korsikarentzako Autonomia Estatutu Baterantz izeneko txostenean oinarrituriko proposamena dago, izenburuak dioen gisara autonomia ekarriko lukeena; eta bestetik dago instituzio horretako jakobinoen proposamena, Frantziako Estatuaren barnean gelditzekoarena. Proposamen gehiago ere egon daitezke, abertzaleen artean ez badute adostasunik lortzen.

Ikusiz abertzaleek dutela asanblean gehiengoa, segur da autonomiaren eskaera bideratuko dutela. Txostenean irakurri daitekeenetik tiraka, litekeena da autogobernu legegilea Konstituzioan markatzea galdatzea –guti ala asko, gaurko egun Kanakyk duen autonomia maila ekarriko lieke–.

Abertzaleen artean desadostasunak

Parisek elkarrizketarako atea irekirik atxiki arren, marra gorria markaturik du: bai ala bai, Korsika Frantziako Errepublikaren barnean gelditzea. Autonomia litzateke beraz burujabetza gehiago lortzeko aukera bakarra. Autonomia heinari buruz desadostasunak dituzte korsikarrek eta abertzaleen arteko batasuna zalantzan dago. Demagun, Core in Fronte independentistak eta PNC Korsikako Nazioaren Alderdia autonomistak, adostasun eta zehaztasun falta leporatu diote Simeoni Korsikako gobernuburuari. Nahiz eta ikuspegi kolektibo eskasegia deitoratu, Simeonik dio "lehentasunez, abertzaleen arteko adostasun zabalena lortzea" duela helburu.

Emmanuel Macron Frantziako presidentea eta Barne ministro Gerald Darmanin ekainaren 12an elkartu ziren Korsikaz aritzeko, Darmaninek uharteko hautetsiekin izan zuen laugarren bilkuratik bost egunera.


Kanal honetatik interesatuko zaizu: Korsika
Korsikaren autonomia estatutua: uztaila aitzin bozkatuko dute Frantziako Konstituzioaren moldaketa

Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".


FLNCk bere gain hartu ditu bigarren etxebizitzen aurkako 27 eraso

Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.


Macronek autonomia eskaini dio Korsikari, Frantziako Errepublikaren barruan

Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.


Korsikak autonomia legegilea eskatu dio Parisi, inoizko babesik zabalena lorturik

Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]


2023-03-14 | Leire Artola Arin
Korsikeraz aritzea debekatu diete Korsikako Asanbleako hautetsiei jardun publikoetan

Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]


Eguneraketa berriak daude