Koronabirusaren krisiaren kudeaketa kaskarraz jabeturik, demisioa aurkezteko erabakia hartu du Suleyman Soylu Turkiako barne ministroak. Recep Tayyip Erdogan presidenteak ordea ez du halakorik onartzen. Apirilaren 10ean hartutako astebururako konfinamenduaren erabakiak eragin du barne ministroaren erabakia.
Apirilaren 10ean hartu konfinamenduaren erabakiak berehala jende metaketa, istilu eta paniko momentu ikusgarriak eragin zituen Turkiako hiri nagusienetan. Inor ez zelako aldaketa horren beha: Ankara eta beste 29 hirietako biztanleei, asteburua etxetik atera gabe pasatzeko manua bideratu zien Suleyman Soylu barne ministroak. Erabakiak eragindakoaz jabeturik, ardurak hartu eta demisioa aurkeztu du ministroak. Hain zuzen, kritika anitzek “milaka herritarren bizia arriskuan jarri izana” leporatzen diote. Ekrem Imamoglu Istanbuleko auzapezak ere gogor salatu du gobernuaren joera, zehaztuz ez zutela aurretik konfinamenduaren berri ukan.
Turquie: le couvre-feu décrété par le régime pour limiter la propagation du coronavirus provoque une explosion de violence aux portes de certains magasins où se massent des clients nerveux et en panique.pic.twitter.com/CWpq7QsNYC
— Bahar Kimyongur (@Kimyongur) April 10, 2020
Haatik, halakorik ez du onartzen Recep Tayyip Erdogan presidenteak: “Gure barne ministroaren demisioa ez dugu onartu; funtzioa betetzen jarraituko du”.
Orokorki, Turkiago gobernuak izurriteari begira duen kudeaketa osoa da geroz eta gehiago kritikaturik. Koronabirusagatik 1.000 hilez gora eta 42.000 kutsatu dira Turkian eta hala eta guztiz ere, gobernuak ez du neurri azkar eta eraginkorrik oraindik bideraturik. Ekonomia lehenestea leporatzen diote kritika askok.
Nahiz eta distantziazio soziala bermatzeko gomendioa eman eta eskolen hesteko erabakia hartu, konfinamendua bideratzeko erabakia ez du oraindik hartua. “Ondoko asteetan jendeak ahal bezain bat besteaz isolatu beharko du, eri izan ala ez. Salbuespen egoera dekretuz agintzea galdetzen digute, baina ez da beharrezkoa, bakoitza kapable izan behar da bere salbuespen egoera dekretatzeko eta gauzatzeko”, Fahrettin Koca osasun ministroaren hitzetan.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.