Dominga Sotomayorren Limpia pelikulak estreinatu du Horizontes Latinos saila, Latinoamerikako pelikulena, hain zuzen ere. Txileko hiriburuan kokatuta, interna edo etxeko langile baten istorio klasikoa ekarri du pantailara Sotomayorrek. Herrialdeko hegoaldeko klase baxuko emakume batek Santiagoko familia dirudun baten etxean beharrean dihardu, etxeko lanak dira bere betebeharra batik bat, baina alaba txikiaren kargu egitea tokatzen zaio sarri. Hainbeste, ezen bien arteko konplizitate moduko bat sortzen den.
Istorioa Alia Trabucco idazlearen izen bereko eleberrian oinarritutakoa da. Klase zatiketa oinarri duen pieza orok dituen elementu berberak ditu: etxearen jabeak “modernoak” dira, bizitza sozial handia dutenak, umea molde modernoagoz-edo hezi nahi dute, artea gustuko dute... Neskamea, aldiz, xumea da, xume janzten da edo jantzi arazten dute, isila, esanekoa, familiarengandik urrun bizi da, eta gogoan du etxera bueltatzea, ama bisitatzera, baina ezinezko zaio. Zaintzen duen alabarekiko nolabaiteko lotura sendo bat du: hasieran ez dirudi gustuko duenik, muzin ere egiten dio; baina segituan egingo dute harreman berezia.
Bien arteko harreman hori da, hain zuzen ere, pelikularen ardatza, eta nabaritzen da horretan gidoilariak fin egon direla. Umeek ohiko duten kuriositatez, galdera bitxiak egiten dizkio zaintzaileari, eta publikoan irribarre eta barre konplize bat edo beste piztu dituzte bien arteko elkarrizketek. Momentu batez, sinesgarri egin dute klasez gaindiko “familia aukeratu bat” izatearen aukera, Julia umea eta Estela neskamea, azken horren lanak baino zerbait gehiagok lotzen dituela, alegia.
Baina gauzak okertzen hasten direnean, Estelak ama ikustera joan behar duenean baina nagusiek, oso sotilki, baimenik ematen ez diotenean, istorioak buelta ematen du, azaleratu egiten ditu alabaren eta neskamearen arteko arrakalak. Eta ur kolpe batez jota legez, beren bideak banatzen dira. Edo ez.
Pelikula osoan zehar lantzen dira aipatu ideiak, bandoak balira legez ageri dira protagonistak, eta batetik bestera dabil Julia umea, pixka bat nahasgarri suertatu daitekeen trama eratuta, batzuetan mezua bera desitxuratzeraino. Edozelan ere, klase arrakalaren kontakizun on eta fidela da, eta istorio klasikoa izanagatik ere, pelikulak dituen momentu konplizeek merezi dute ikustaldi bat. Bi, agian, ez.
Erotuta utzi nau pelikulak; agian, kritika honen idazteko eran nabarituko zait. Óliver Laxeren luzemetraia honetan, Luis (Sergi López) eta Esteban (Bruno Núñez) ezagutu ditugu, aita-semeak, bost hilabete alaba/arreba ikusten ez dutela eta, bere bila abiatu... [+]
Norbaiti esan diot film hau “publiko guztiendako” dela eta segituan eman dit alto. Erraz ikustekoa da, egia da, baina akaso jende edota belaunaldi jakin bati enbarazu apur bat egingo dio pantailan ikusirikoak. Ajam, bai: zakil-festa galanta erakutsi dute. Eta... [+]
Bigarren egunari hasiera emateko, Carla Simónen Romería izan da aukeratutako pelikula. Bertan, Marina (Llúcia Garcia) ezagutuko dugu ikusleok, 18 urte bete berri dituen neska gazte kataluniarra. Unibertsitatean zinea ikasi nahi, eta beka lortu ahal izateko... [+]
Gustatzen zaizkit dena leku berean eta denbora jarraituan eta epe motzean gertatzen diren filmak. Hauxe da kasua: Le cri des gardes, Claire Denis zinegilearena. Mendebaldeko Afrikan kokatu dute, herrialderik adierazi gabe. Adierazkorra da hori, filma hasi eta buka kolonialismoa... [+]
Han-hemen entzuna dut garai batean baserriz baserri joaten zirela musikariak, eskean pentsatzen dut. Soinua soinean hartuta imajinatzen ditut, atea jotzen eta aurpegia galanki botatzen, barrura sartu ahal izateko. Uste dut noizbait Ruper Ordorika entzun izan dudala entzuna edo... [+]
Ainda estou aqui memoria eta erresistentzia pelikula bat da, horrela esan du Walter Salles zuzendariak, ostiraleko pasearen aurretik. Iaz estreinatutako pelikulak sari dezente irabazi ditu, iazko Goya sarietan eta aurtengo Oscarretan film iberoamerikar onenaren eta film... [+]
Zinemaldiko hasierako gala izan da ostiralean, eta Kursaaleko oholtzan Palestinaren eta Israeli boikota egitearen aldeko aldarriak entzun dira. Itziar Ituñok, Silvia Abrilek eta Toñi Acostak aurkeztu dute gala, eta hiruek egin dute Palestinaren alde.
José Alayónen La Lucha besarkadaz beteriko eszena batekin hasi da, indartsu, ohartu garen arte besarkada horiek kanariar borroka deritzon kirol bateko heltze teknika bat zirela. Fuerteventuran, Miguel aita (Tomasín Padrón) eta Mariana alaba (Yazmina... [+]
Zaila izan ohi da, Zinemaldian horrenbeste pelikula ikusteko garaian, egutegia ondo antolatzea. Sail ugaritako filmak aukeratu, gustukoak izango zaizkizunak bilatzen saiatu, egunak eta orduak ondo itxi... Tartean, ordu galduren bat betetzeko, atentzioa eman ez dizun lanen bat... [+]
Juzgurik ez dut egingo ea “okupa onak” edo “okupa txarrak” existitzen diren, baina bateren batek ziur desberdinduko dituela telebistan ikusten dituen “okupak” eta film honetakoak. Ze, funtsean, premia batek eraginda, bere jabetzakoa ez... [+]
Film honek irekiko du gaur, ofizialki, Donostiako Zinemaldia, baita Sail Ofiziala ere. Daniel Hendlerrek zuzendu du 27 noches pelikula, hein handi batean errealitatetik asko duena. Baina ziur ez zela istorioa errealki hain arin iragan.
Martha Hoffmanek 80taka urte ditu,... [+]
Euskal Aktoreen Batasunak emandako saria aktore irundarrak jasoko du aurten, Euskal Zinemaren Galan egingo den ekitaldian, irailaren 23an.
Beste urte batez, ARGIA komunikabidea bertatik bertara ibiliko da munduko zine jaialdirik ezagunenetakoan, Donostiako Zinemaldian, ostiral honetan hasi eta hurrengo larunbatera arte. Fokuen azpian ibiliko diren filmei ez ezik, apalago igaroko direnei begira ere ipiniko gara, eta... [+]
Euskarazko ekoizpenek presentzia nabaria izango dute aurtengo edizioan. Bestelakoen artean, espektatiba handiko lan eta gonbidatuak izango dira Donostian: George Clooney protagonista duen Jay Kelly pelikula; Angelina Jolie ere ikusiko dugu Couture-rekin; Julliete Binoche... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]