Hildakoa 23 urteko gizonezkoa da. Aurten Euskal Herrian hildako bigarren etxegabea da.
23 urteko etxerik gabeko gizon bat zendu da Bilbon. Berriak jaso duenez, martxoaren 12an hil zen.
Gazteak gauak aterpetxean eta egunak kalean igarotzen zituen, gitarra alboan zuela. Bere geralekuetako bat zen Uribarri auzoa, eta hango bizilagunek loreak, argazkiak eta kartelak jarri dituzte hildakoa egon ohi zen tokian.
Aurten Euskal Herrian hildako bigarren etxegabea da. Urtarrilean, 56 urteko gizonezko bat hil zen Hendaian, tenperatura oso baxuak egin zituen gau batean; hilotza auto barruan aurkitu zuten. Egun gutxi lehenago, abenduan, etxerik gabeko beste pertsona bat hil zen Zarautzen. Horrez gain, urtarrilean abenduan desagertutako etxerik gabeko 34 urteko gizonezko baten gorpuzkiak aurkitu zituzten Getxoko Arrigunaga hondartzan; hura hiltzea leporatuta, behin-behineko espetxealdian dago 51 urteko gizonezko bat.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]