Julio Pachecoren frankismoko torturak ikertuko ditu lehenbiziz epaile batek Espainian
Ana María Iguácel epaileak bertan behera utzi du frankismoan torturatutako Julio Pachecori Madrilgo 50. Instrukzio Epaitegian ostiral goizean hartu behar zion deklarazioa. Hau da frankismo garaiko torturengatik Espainiako auzitegi batek ikertu behar duen lehen tortura kasua.
Julio Pachecoren abokatu Jacinto Larak adierazi duenez, epaileak jakinarazi die kasuak ertz asko dituela eta, auzia hobeto aztertzeko, deklarazio hartzea atzeratuko duela. Hau da Espainiako Estatuan epaile batek ikertuko duen frankismoko lehen tortura kasua.
Orain arte, frankismoak torturatutako herritarrek bakarrik deklaratu izan dute María Servini Argentinako epailearen aurrean, zeinak azken hamar urteetan auzi bat irekia duen frankismo garaian egin ziren humanitatearen aurkako krimenengatik.
Tortura kasuengatik 100 kereilatik gora aurkeztu izan dira Espainiako epaitegietan, baina denak artxibatuak izan dira, iragan maiatzean Iguácel epaileak Pachecoren salaketa aintzat hartu zuen arte. Horren arabera, frankismoko Brigada Politiko-Sozialeko lau poliziaren aurkako inputazioa egin du epaileak eta deklaratzera deituko ditu: José Manuel Villarejo, Álvaro Valdemoro, José Luis Montero eta José María González.
Ikusita frankismoaren garaiko tortura salaketekin zer gertatu den, ez dago kasu honek aurrera egingo duen esperantza handirik, baina Pachecoren abokatuaren esanetan, zirrikitu bat da eta baliatu behar da. Frankismoaren diktaduran milaka pertsona torturatu zituzten, baina oraindik ez da inor zigortu horregatik.
Orain arte epaitegietan salaketa hauek ez dira aintzat hartu izan, edo hartu badira berehala artxibatu dira. Oro har, epaileek kontuan hartzen dute auzien inguruan Espainiako Auzitegi Gorenak eta Auzitegi Konstituzionalak eraiki duten jurisprudentzia, batez ere 1977ko Amnistia Legean, delituen preskripzioan eta legalitate printzipioan oinarritzen dena.
Kasua sakon azaltzen duen El Diario-ko erreportaje honetan jarrai ditzake auziaren gorabeherak irakurleak.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.