“Testuinguru politikoa falta zaio”
Donostiako Zinemaldiak ateak ireki dituenean argitaratu du Berria-k Josu Urrutikoetxeari egindako elkarrizketa. Azken asteetan zalaparta handia sortu duen berari buruzko filmaz jardun dute batez ere.
aurre egingo dieten hedabide independenteak
Ziburun (Lapurdi) egin dio elkarrizketa Enekoitz Esnaola kazetariak eta bertan aditzera ematen du ez dela gustura geratu emaitzarekin, filmari testuinguru politikoa falta zaiolako: “Azaltzen dena da zer iritzi dudan gertakizun, ekintza gogor batzuen inguruan. Arriskuak hartu nituen, eta hau ez da nik espero nuen emaitza, baina ez naiz haien lanean sartuko. Uste dutena egin dute haiek; nik beste ikuspegi bat daukat, eta beste ideia bat lan horri buruz, baina errespetu osoz esaten dut hori”.
Dioenez, batez ere azaldu nahi zuen gertatutako guztiak azalpen politikoa duela, eta proiektuan parte hartzea erabaki zuenean, hori azaldu nahi zuela: “Gatazka politikoa izan da, bere ondorio latz, gordin eta bueltaezinezko guztiekin. Hori erakutsi nahi nion Espainiako jendarteari. Ez dezatela pentsa, nolabait, gertakizun horietan inork plazer hartzen zuenik. Ekintza politikoak, helburu politikoak zituztenak ziren. Hori erakutsi nahi nuen. Eta horrelako borroka bortitz eta gogor batean dinamika horretan sartzen garenean, alde batetik eta bestetik, bestearekiko enpatia galtzen da”.
Pelikulan, halaber, aitortu du ETAk 1976an hil zuen Galdakaoko alkate Victor Legorbururen hilketarekin zerikusirik izan zuela, eta ea aitortza horrekin helburu zehatzik ba ote zuen galdetuta, ezetz dio, ordu luzez jardun zutela, eta testuinguru horretan atera zela kontu hori.
Bi auzi Espainian
Urrutikoetxeak bi auzi ditu zabalik Espainiako Estatuan, bata Herriko tabernen auzia-ri lotua, eta bestea, 1987an ETAk Zaragozako Guardia Zibilaren kuartel baten aurka egindako atentatua, non hamaika pertsona hil zituzten. Lehenengoan bi urteko kartzela zigorra eskatzen dio fiskaltzak, eta bigarrenean, ETAko zuzendaritzatik atentatua agindu izana leporatuta, 2.300 urte.
Pariseko auzitegiek onartua dute Urrutikoetxearen Espainiaratzea auzi horietan epai dezaten, baina elkarrizketan hark azaltzen duenez, Espainiako Auzitegi Nazionalak oraingoz ez du finkatu epaiketak egiteko datarik. Urrutikoetxearen esanetan, aldiz, bera ez zen zuzendaritzako kide eta ez zuen zerikusirik izan atentatuan.
Laburrean bada ere, egungo egoera politikoaz ere mintzo da elkarrizketan, eta garai interesgarria dela iritzi dio, “mugikorra ere bai, eta ezker abertzalearen azkartasuna eta aurrerapausoak ikusi dira. Baina horrek ez gaitu itsutu behar. Madrilen berriro gobernu aurrerakoia osatuta ere, egoera ez da erraza izango; beste gobernu mota bat badago, askoz zailagoa izango da”.
Uste du giltzarri dela herritarrei aukera ematea “etxearen oinarriak eraikitzeko; herritarrek prozesu luze honen parte hartzaile sentitu behar dute”.
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.