Gazteen artean jokorako zaletasuna ugaritzen ari delako kezkaturik, Jokoaren Araudi Orokorreko plangintza berraztertuko du Eusko Jaurlaritzak. Arau berria iritsi bitartean, ez dute joko areto berriak irekitzeko baimenik emango.
Behin-behineko neurria bederatzi hilabetera arte luzatu daiteke eta ez du eraginik izango emanda dauden baimenen gainean. Gazteen artean areagotzen ari den zaletasuna arazo bihurtu dela eta areto berriak irekitzeko prozedurak berrikustea ezinbestekoa dela nabarmendu du Jaurlaritzako bozeramaile Josu Erkorekak. Jokoak sorturiko menpekotasun arazoak saihestea helburu dutela gaineratu du Estefania Beltran de Heredia Segurtasun sailburuak.
Bai Nafarroako Gobernuak, bai Iruñeko Udalak, antzeko neurriak hartu zituzten iaz: ez dute aretoak irekitzeko baimen berririk emango, behin-behinean.
Mugimendu herritarra
Apustu etxeen aurkako mugimendu herritarrak gogor salatu ditu areto hauek, azken boladan. Gasteizko Judimendik Joko Aretoari Ez plataformak, Azpeitiko Elkar-Ekin taldeak edota Iruñeko Txantreako bizilagunek hilabeteak daramatzate joko aretoen aurka borrokan.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.