Jendaurrean lan egiten dutenak ere COVID pasaportea edukitzera behartu ditu Frantziako Gobernuak
Astelehenetik aurrera jendearekin aurrez aurre aritzen diren Ipar Euskal Herriko langile guztiek, lantokira sartu ahal izateko, COVID ziurtagiria erakutsi behar dute. Herritarren "txertaketa prozesua aitzinarazteko" beste pausu bat dela adierazi du Elisabeth Borne Frantziako Lan ministroak.
Frantziako Gobernuak astelehenean ezarri du jendearekin harremanetan dauden langile guztientzat COVID pasaportea izateko betebeharra. Neurri horrek, besteak beste, garraioaren, merkataritzaren, kirolaren, administrazioaren, taberna eta jatetxeen eta kulturaren sektoreetako ia bi milioi pertsonari eragiten die Frantziako Estatuan. Hau da, lan egin eta soldata jasotzen jarraitzeko, langile horiek frogatu behar dute txertaketaren prozesu osoa bete, PCR edo antigenoen test negatiboa dutela edo gaixotasuna pasa izana azken sei hilabetetan.
Emmanuel Macronek uztailaren 12an bultzatutako legearen arabera hartu du Frantziako Gobernuak azken neurri hau. Lege horren lehen emaitza praktikoa izan zen abuztuaren 9tik aurrera kafetegi, jatetxe, taberna, merkataritza-gune, garraio publiko, edota ospitaleetan egoteko COVID pasaportea ezinbesteko baldintza bilakatzea. Orain bigarren buelta eman dio gobernuak. Elisabeth Borne Lan ministroaren arabera, kutsatzeak saihestea, txertaketa prozesuari beste bulkada bat ematea eta lan-jarduerak irekita mantentzeko baldintzak ezartzea dira helburuak. Neurri eta murrizketa horien estrategiaz ondokoa adierazi zuen Emmanuel Macronek uztaila amaieran: "Gizatasuna sarituko dugu, eta txertatuak ez direnei bideratuko dizkiegu murrizketak".
Igandera arteko datuen arabera, Frantziako Estatuko biztanleriaren %71,8k jaso du gutxienez txertoaren dosi bat eta %64,6k jaso ditu bi dosiak.
Bete ezean, isuna eta kartzela
Enpresako arduradunak ez badu bermatzen langile guztiek ziurtagiria dutela, urtebeteko espetxe-zigorra eta 9.000 euro arteko isuna jaso litzake. Langilearentzako zigorra ondorengoa da: aurrena bi hilabetez soldatarik gabe utzi eta, epe horren ostean, COVID pasaportea lortu ezean, enpresatik botatzeko aukera izango luke enpresaburuak.
COVID ziurtagiria derrigorrezko bihurtzeak protestak eragin ditu Ipar Euskal Herrian eta Frantzian. Larunbatean dozenaka mila pertsona manifestatu dira Frantziako Estatuan barrena egin diren berrehun mobilizazio baino gehiagotan. Zazpigarren asteburuz jarraian egindako protestak izan dira.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.