Jaurlaritzaren Trantsizio Planeko hurrengo puntuak: bakarkako kirola eta saltoki txikiak

  • Eusko Jaurlaritza garatzen ari den Normaltasun Berrirako Trantsizio Planari buruzko argibide gehiago eman dituzte. Haurrak etxetik ateratzeko Espainiako Gobernuaren baimenaren ostean, helduek banaka jarduera fisikoa egitera atera ahal izatea eta saltoki txikiak mailakatuta irekitzea du buruan Jaurlaritzak. EAEko ikastetxeetan ikasturtea amaitzeko emango dituzten irizpideez ere aritu dira.


2020ko apirilaren 21an - 16:58

Josu Erkoreka Eusko Jaurlaritzako bozeramaileak egin du agerraldia. Trantsizio Plana mailakatua izango dela eta beti ere pandemiaren bilakaeraren menpe egongo dela adierazi du, baina deskonfinamenduan ere hiru baldintzak jarraituko dute indarrean, ondorengo hilabeteetan: urruntze fisikoa, maskararen erabilera (“gizarte osoak maskarak eskuragarri izan ditzan” lanean ari direla adierazi du) eta eskuen garbiketarako eta espazio partekatuen higienerako neurriak.

Helduek banaka eta denbora-tarte jakin batez jarduera fisikoa egin ahal izateko irteerak hartuko dituzte kontuan lehenik, trantsizio fasean. Baita saltoki eta denda txikien irekiera mailakatua ere, eta industriaren eta eraikuntzaren jardueraren gehikuntza. “Une honetan jardueraren % 30ean dago”.

Zein eduki ebaluatu beharko dituzte irakasleek?

Bozeramaileak iragarri du aste honetan argituko dela EAEko ikastetxeetan nolakoa izango den ikasturte amaiera, eta aurretik hezkuntza komunitatearekin kontrastatuko duela Jaurlaritzaren plana Cristina Uriarte Hezkuntza sailburuak. Hiru alderdi jorratuko ditu planak: funtsezko hezkuntza edukia; irakasleentzako tresnak ebaluatzeko eta abian jartzeko irizpideak; eta ikasgeletarako itzulera nola egin (adinaren araberako aurreikuspen mailakatuak dira).

Aisialdia

Azkenik, Erkorekak adierazi du, normaltasunera itzultzeko denbora gehien beharko duen arloa bada ere, “pertsonak pilatzea eragiten duten ekitaldietarako eta aisialdirako deseskalatzea” aztertzen ari direla dagoeneko. Eudelekin batera aztertuko dituzte udako jaien, ekitaldien eta bestelako kultura-jardueren inguruko aurreikuspenak.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude