Jaurlaritzaren Guztion Artean sarea auzoetako babes sareetara ari da bideratzen heltzen zaizkion kasuak
Otxarkoagako Elkartasun Sarearen kasua adibidetzat jarrita, Karlos Renedok Twitter bidez salatu du Eusko Jaurlaritzak martxan jarritako sarea kasuak auzoetako sareetara bideratzera mugatzen dela.
Martxoaren 17an jarri zuen martxan Guztion Artean sarea Eusko Jaurlaritzak, koronabirusak eragindako egoeraren aurrean bakarrik eta babesik gabe aurkitzen direnei laguntza eskaintzeko. Guztion Artean sortzearekin batera, auzo eta herrietan sortuak ziren elkartasun sareak arbuiatu zituzten; “Elkartasuna esperientzia duten instituzioen bitartez antolatu behar da, arrisku gehiago ez sortzeko”, zioen Osakidetzak mezu batean. Karlos Renedok Twitter bidez salatu duenez, ordea, Guztion Artean kasuak auzoetako sareetara bideratzen ari da.
Salatutakoa frogatzen duen adibide gisa, Otxarkoagako Elkartasun Sareak izandako esperientziaz mintzatu da Renedo. Azaldu du martxoaren 20rako martxan zela Jaurlaritzaren zerbitzua menpekoak eta “asintomatikoak” ziren pertsonentzat, eta jendeari eskatzen zitzaiola boluntario gisa erregistratzeko, “era antolatuan laguntzeko”. Hala bada, Otxarkoagako Elkartasun Sareak egun horretan jasotako kasuak Guztion Artean sarera bideratzea erabaki zuen.
Erabaki hori hartuta, Gurutze Gorrira dei egin zuten saretik. Egun horretako kasuan pasako zizkietela aditzera ematean, baina, Bilboko udal zerbitzuetara bideratu zituztela azaldu du; udal zerbitzuekin kontaktua egitean, aldiz, erantzun zieten Otxarkoagako kasuren bat heltzen zaienean Otxarkoagako Elkartasun Sarera bideratzen dituztela. “Momentu honetan artatzeko gaitasuna dutenak auzoetako taldeak dira”, helarazi zieten udal zerbitzuetatik.
Auzoan kasu positiboen berri izan zutela eta materialik eskuragarri ba ote zen galdetzerakoan, eskaintzekorik ez zeukatela adierazi zieten udal zerbitzuetatik; “Guk gurea erosi dugu”, erantzun omen zieten. Protokoloei dagokienez, berriz, dauzkatenak jarraitzeko gomendioa jaso zuten. Gauzak horrela, plataforman boluntario gisa erregistratzearen zentzuaz galdetu zuten Otxarkoagako Elkartasun Sareko kideek. “Zuen kasuan ezertarako ez, estatistikak osatu eta datuek publikatzeko”, erantzun zietela adierazi du Renedok. “Horrela ixten da Eusko Jaurlaritzaren antolatutako laguntza zirkulua”, salatu du.
Renedok azpimarratu duenez, Guztion Artean sarea Gurutze Gorriak eta Caritasek sostengatzen dute, horiek izanik boluntariotza antolatzeko gaitasuna bermatzen diotenak ekimenari. “Eusko Jaurlaritzarentzat auzolana marka bat da, ez praktika bat”, azpimarratu du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.