Israelek lurreko inbasioa hasi du Gazan, AEBen oniritziarekin
Astearte goizaldetik tankeak aurrera egiten ari dira Gaza Hirira bidean. AEBetako Estatu Idazkari Marco Rubio astelehenean egon da Israelen; Qatarren egongo da asteartean, harekin bakeak egin asmotan, Israelek eraso egin baitzion pasa den astean. NBEk lehen aldiz "genozidio" izendatu du Israel Gazan egiten ari dena.
aurre egingo dieten hedabide independenteak
"Gaza sutan" dagoela pozarren esan du Israelgo Defentsa ministroak, Israel Katzek, astearte goizean sare sozialetan. "Ez dugu atzera egingo helburuak bete arte", esan du. Aldi horretan, EFE albiste agentziaren arabera, apurka-apurka aurrera egiten ari ziren tanke israeldarrek Gaza Hiriaren ingurunean. Aireko erasoekin jarraitu dute bien bitartean, eta, aldi berean, Gaza Hiria ebakuatzeko deia egin du armadak.
Hainbat eraikin birrindu ditu Israelek gauean. Wafa albiste agentzia palestinarraren arabera, gutxienez 38 pertsona hil dituzte azken orduotan.
AEBen bisitaren helburua
AEBetako Estatu Idazkari Marco Rubioren bisita jaso zuen astelehenean Israelek. Lehen ministro Benjamin Netanyahurekin batzartu zen Mendebaldeko Jerusalemen. AEBek Israeli "babesa" adierazi die, nazioartean areagotzen ari den Israelen aurkako presioaren testuinguruan. Israelen aurka mintzo direnak "gobernu ahulak" direla esan du Netanyahuk, eta estimatzen duela AEBek "ausart" jokatzea. Rubiok ez zuen besterik esan, baina itxura guztien arabera, Israel prestatzen ari zen erasoari oniritzia ematera joan zen Jerusalemera.
Qatarren da gaur Rubio. Giroa gaizto dago herrialde arabiarren eta Israelen artean, besteak beste, pasa den astean Qatarreko Doha hiriburuan lehergailuak jaurti zituelako armada sionistak. Su-eten negoziaketetan aritu dira Dohan, han ziren Hamaseko buruzagiak, eta haien aurka egin zuen Israelek. Rubioren bisitaren helburua izango da, AlJazeerak astearte goizean kontatu moduan, "ahal den moduan bakeak egitea".
Egunotan, hain justu, bilkura egiten ari dira buruzagi arabiar eta musulmanak Dohan, Arabiar Ligak eta OIC Kooperazio Islamikorako Erakundeak deituta, Israelen erasoari erantzuna emateko. Israel zigortzeko hainbat neurri hartzeko exijitu dute dagoeneko: hala nola gainerako estatuei eskatu diete bertan behera uzteko Israelekin dituzten harreman diplomatikoak, baita Israel NBEtik kanporatzeko ere, eta Nazioarteko Zigor Auzitegiak ebatzitako atxiloketa aginduak konplitzeko ere bai.
NBEko Ikerketa Batzordeak ere, "genozidioa" aipagai
Astearte goizean ezagutarazi denez, Nazio Batuen Erakundeko Ikerketa Batzordearen txosten batek lehen aldiz "genozidio" izendatu du Israel Gazan egiten ari dena 2023ko urriaren 7az geroztik.
Ekintza genozida hauek nabarmendu ditu txostenak: erailketak, kalte fisiko eta mental larriak eragitea, bizi baldintzak apropos kaltetzea era kalkulatuan, eta horien erruz, heriotzak eragitea eta jaiotzak galaraztea. Tratu txarrak ez ezik, torturak, sexu erasoak, bortxazko desplazamenduak, ingurumena eta azpiegiturak suntsitzea, beharrezko giza laguntza iristea oztopatzea eta osasun langileei haien lana egitea galaraztea nabarmendu ditu NBEko batzorde independenteak. "Asmoa argia da: palestinarren suntsiketa, erabatekoa edo partziala", diote txostengileek.
NBEko Ikerketa Batzordeak, horrez gain, dei egin die estatuei esku hartzera, "genozidioa gelditzera", denen ardura dela argudiatuta. "Ezer egiten ez badute, ondorio legalak izan ditzakete", dio txostenak NBEko estatuak interpelatuta.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
"Palestina Aurrera" lelopean Nafarroa zeharkatu ondoren, Ibaitik Itsasora martxa irailaren 20an Hendaian amaituko da egun osoko ekitaldi batekin. Landetxa-Katea auzoan, aldiz, hilabete daramate egunero kazeroladak antolatzen. 80 bat bizilagun biltzen dira astelehenetik... [+]
Iruñera heldu da igandean Ibaitik itsasora Palestinaren aldeko martxa, mezu argi batekin: Israelekin harreman ekonomiko guztiak eten. MTorres-en hasi da ibilaldia eta enpresa horrek Israelgo armagintzarekin dituen loturak salatu dituzte. Noainen harrera egin ondoren,... [+]
Espainiako Vueltak zeresan handiagoa eman du aurten Palestinaren aldeko ekintzengatik, ziklisten arteko lehiagatik baino. Bosgarren etapan –taldekako erlojuz kontrakoan– dozena erdi ekintzailek Israel Premier Tech taldeko txirrindulariak geratu zituztenetik,... [+]
Ez nuke zuen eguna izorratu nahi; ez jende guztia hitz egiten ari denaz hitz egin ere, baina azken asteotan, uda mugitu honen ondoren, sukaldeko leiho ondoko aulkian eseri eta munduari begira jarrita egon naiz. Begiak zabal-zabalik eta isil-isilik begiratu diot munduari bi... [+]
Palestinaren aldeko elkartasuna eta Israel palestinar herriaren aurka gauzatzen ari den genozidioaren salaketa gizartearen arlo guztietara zabaltzen ari da, baita kirolera ere, asteotan Espainiako Vueltan ikusten ari den moduan, besteak beste. Hain zuzen ere, Kontxako Bandera ez... [+]
Palestinak pairatzen duen genozidioa salatzeaz gain, sionismoaren "konplizeak" seinalatzea ere du helburu Ibaitik itsasora deitu martxak. Palestinarekin elkartasunean aritzen diren hainbat eragilek elkarlanean antolaturiko ekimena irailaren 20an bururatuko da Hendaian... [+]
EB eta Israelen arteko “Elkartze Akordioaren merkataritza arloa partzialki etetea” proposatu du Europako Batzordeko presidenteak. Neurriak indarrean jartzeko EBko herrialdeen gehiengoak eman behar dio babesa, eta hori “oso zaila” izango dela adierazi du... [+]
Europako hainbat unibertsitatetan ikasleek abiatutako dinamikarekin bat egin du IAk, eta hurrengo deialdietara adi egoteko eskatu du.
Global Sumud Flotillan parte hartzen duen Alma itsasontziari drone bidez eraso egin diote asteartetik asteazkenerako gauean, Tunisiako kostan. Aurreko egunean berdina gertatu zitzaion ontzidiko beste itsasontzi bati eta beraz, bi egunetan pairatutako bigarren erasoa da.
Erasoaren helburu izan direnak Trumpek proposatutako su-etena negoziatzen ari zirela azaldu du Hamasek, eta bost kide hil dituztela ziurtatu; Qatarreko segurtasun indarretako beste pertsona bat ere hil da bonbardaketan. Israelek erasoa baieztatu du, eta Qatarrek “eraso... [+]
Pedro Sánchez Espainiako presidenteak adierazi du, legez arma-blokeoa ezarrita, presioa eragin nahi dutela Benjamin Netanyahurengan. Sánchezek deitoratu du nazioarteko komunitatearen zati baten “indiferentzia” eta Israelgo Gobernuarenganako... [+]
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Astelehen goizaldean 23 palestinar gutxienez hil dira Gazako hiriburuan, tartean bi haur gosetearen ondorioz. Igandeaz geroztik gutxienez 50 etxebizitza eraikin eraitsi ditu Israelek, beste 100 kaltetu, eta desplazatuen kanpamenduetako 200 denda suntsitu.