Von der Leyenek Israelekin akordioak “partzialki” etetea proposatu du, baina EBk hori adostea “oso zaila” izango dela iragarrita
EB eta Israelen arteko “Elkartze Akordioaren merkataritza arloa partzialki etetea” proposatu du Europako Batzordeko presidenteak. Neurriak indarrean jartzeko EBko herrialdeen gehiengoak eman behar dio babesa, eta hori “oso zaila” izango dela adierazi du. “Gutxiegi, berandu”, adierazi du Francesca Albanese Palestinar Lurraldeentzako NBEko errelatore bereziak.
aurre egingo dieten hedabide independenteak
Asteazkenean proposatu ditu Israelen aurkako neurriak Ursula Von der Leyenek, Estrasburgoko Europako Legebiltzarrean eginiko agerraldian. Bere ahoan ezohikoak diren hitzak erabili ditu Europako Batzordeko presidenteak Israel Palestinan egiten ari dena deskribatzeko, nahiz eta genozidio hitza ez duen erabili: “Gazan gertatzen ari denak munduaren kontzientzia hunkitu du. Eraildako pertsonak janari eskean ari zirenean. Hildako haurrak besoetan dituzten amak. Gizakiak eragindako gosetea ezin da inoiz gerra arma izan. Haurren onerako, gizadiaren onerako, honek gelditu egin behar du”.
Von der Leyen da Europar Batasuneko ordezkarien artean Israelen aldeko jarrerarik sutsuenetarikoak adierazi dituen agintaria. 2023ko urrian, esaterako, lur okupatuetan eraikita dagoen Gaza ondoko Kfar Aza kolonian bisita egin zuen, Europako Parlamentuko presidente Roberta Metsolarekin batera.
“Azken hilabeteetan” Israelek “sistematikoki” zenbait jarrera “onartezin” izan dituela adierazi du Von der Leyenek, esaterako Palestinako Autoritate Nazionaleko ekonomikoki itotzea, Zisjordaniako zenbait kolonia egitasmo edo “Israelgo Gobernuko ministro muturrekoenen ekintza eta adierazpenak, indarkeria bultzatzen dutenak”.
EBk neurriak onartzea, “oso zaila”
Hori guztia dela eta, Israelen aurkako zenbait neurri proposatu ditu Europako Batzordeko presidenteak. Nagusiena, Israel eta EBren arteko Elkartze Akordioaren merkataritza arloa “partzialki” etetea litzateke: “"Israeli ematen diogun aldebiko babesa bertan behera utziko dugu. Arlo horietako ordainketa guztiak etengo ditugu, Israelgo gizarte zibilarekin eta Yad Vashemekin [Holokaustoaren biktimen omenezko Israelgo erakunde ofiziala] dugun lankidetzari eragin gabe. Zigorrak proposatuko ditugu muturreko ministroen eta kolono bortitzen aurka. Eta Elkartze Akordioaren merkataritza arloa partzialki etetea proposatuko dugu. Datorren hilean Palestinarako Emaile Talde bat sortuko dugu, Gaza berreraikitzeko tresna espezifiko bat izango duena".
Neurriak proposatu dituen agerraldi berean aitortu du agintariak horiek indarrean jartzeko gehiengoak lortzea “oso zaila” izango dela. Berria-k zehaztu duenez, EBko 27 kideetatik hamabostek babestu beharko lukete Von der Leyenen proposamena, eta estatu horiek EBko populazioaren %65 gehitu beharko lukete.
Israel: “Hamasen propaganda”
Israelek ez ditu ondo hartu Von der Leyenen hitzak. Besteak beste, Gideon Saar Israelgo Atzerri ministroak Hamasen “propaganda” errepikatzea leporatu dio: “Europako Batzordeko presidenteak egindako adierazpenak tamalgarriak dira. Horietako batzuek Hamasen eta haren bazkideen propaganda faltsua ere islatzen dute”.
Palestinar Lurraldeentzako NBEko errelatore berezi Francesca Albanesek ere kritikatu ditu iragarritako neurriak, baina kontrako zentzuan: “Gutxiegi, berandu, nazioarteko zuzenbidearen arabera modu onartezinean ez nahiko. EBko estatuek armen erabateko enbargoa ezarri behar dute, merkataritza eten, ustezko delitugileak auzipetu, eta flota bat bidali setioa hausteko”.
Palestinak pairatzen duen genozidioa salatzeaz gain, sionismoaren "konplizeak" seinalatzea ere du helburu Ibaitik itsasora deitu martxak. Palestinarekin elkartasunean aritzen diren hainbat eragilek elkarlanean antolaturiko ekimena irailaren 20an bururatuko da Hendaian... [+]
Europako hainbat unibertsitatetan ikasleek abiatutako dinamikarekin bat egin du IAk, eta hurrengo deialdietara adi egoteko eskatu du.
Global Sumud Flotillan parte hartzen duen Alma itsasontziari drone bidez eraso egin diote asteartetik asteazkenerako gauean, Tunisiako kostan. Aurreko egunean berdina gertatu zitzaion ontzidiko beste itsasontzi bati eta beraz, bi egunetan pairatutako bigarren erasoa da.
Erasoaren helburu izan direnak Trumpek proposatutako su-etena negoziatzen ari zirela azaldu du Hamasek, eta bost kide hil dituztela ziurtatu; Qatarreko segurtasun indarretako beste pertsona bat ere hil da bonbardaketan. Israelek erasoa baieztatu du, eta Qatarrek “eraso... [+]
Pedro Sánchez Espainiako presidenteak adierazi du, legez arma-blokeoa ezarrita, presioa eragin nahi dutela Benjamin Netanyahurengan. Sánchezek deitoratu du nazioarteko komunitatearen zati baten “indiferentzia” eta Israelgo Gobernuarenganako... [+]
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Astelehen goizaldean 23 palestinar gutxienez hil dira Gazako hiriburuan, tartean bi haur gosetearen ondorioz. Igandeaz geroztik gutxienez 50 etxebizitza eraikin eraitsi ditu Israelek, beste 100 kaltetu, eta desplazatuen kanpamenduetako 200 denda suntsitu.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
.jpg)
Astebete igaro da Bartzelonako portutik Global Sumud Flotilla ekimeneko lehen ontziak itsasoratu zirenetik, Gaza helburu. Tunisian lurreratu berri erantzun ditu ekimeneko euskal ordezkaritzako kide Itziarrek –abizenik ez du eman nahi– ARGIAren galderak, igande... [+]
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]