Israeli armak salerostea debekatzeko dekretua iragarri du Espainiako Gobernuak
Pedro Sánchez Espainiako presidenteak adierazi du, legez arma-blokeoa ezarrita, presioa eragin nahi dutela Benjamin Netanyahurengan. Sánchezek deitoratu du nazioarteko komunitatearen zati baten “indiferentzia” eta Israelgo Gobernuarenganako “konplizitatea”. Armen salerosketa debekuaz gain, beste zortzi neurri aurreikusi dituzte dekretuan, besteak beste, portuak eta aireportuak blokeatzea Israelgo Indar Armatuei bideratutako erregaiari.
aurre egingo dieten hedabide independenteak
Armak salerostea debekatuko zutela lehen ere esana zuen Espainiako Gobernuak, baina orain adierazi du dekretu baten bidez arautuko dutela gaia. Bitartean, eldiario.es hedabideak gogorarazi du Espainiak mantendu egin dituela indarrean zituen kontratuak eta azken hilabeteotan Israeli arma eta munizio gehien erosi dizkion Europako Batasuneko herrialdea izan dela.
Espainiako presidenteak adierazi du badakitela neurriak ez direla nahikoa izango inbasioa eta gerrako krimenak geldiarazteko, “baina espero dugu Netanyahu lehen ministroari eta haren Gobernuari presioa gehitzeko balio izatea, palestinar herritarrak pairatzen ari diren sufrimenduaren zati bat arintzeko eta Espainiako gizarte osoak jakin eta senti dezan XXI. mendeko gertakari zitalenetako baten aurrean gaudela, eta bere herrialdea, Espainia, historiaren alde egokian egon zela”.
Herri juduak estatu propioa izatea eta bertan seguru sentitzea defendatu du, “jasandako bidegabekeria eta jazarpenagatik”, baina deitoratu du Hamasen atentatuei emandako erantzun militarra "legez kanpoko okupazioen uholde berri bat eta biztanleria zibil palestinarraren aurkako eraso justifikaezina" bihurtu izana. Eta hau gehitu du: "Hau ez da bere burua defendatzea. Ez da erasotzea ere. Babesik gabe dagoen herri bat akabatzea da. Zuzenbide humanitarioaren lege guztiak haustea da”.
Beste zortzi neurri, tartean UNRWAri laguntza ekonomiko handiagoa
Hauek dira dekretuak jasoko dituen beste neurriak:
- Israelgo Indar Armatuentzako diren erregaiak garraiatzen dituzten itsasontzi guztiei Espainiako portuetatik igarotzea debekatzea.
- Israelerako defentsa-materiala garraiatzen duten estatu-aireontzi guztiei Espainiako aire-espaziora sartzea ukatzea.
- Espainiako lurraldera sartzea debekatzea Gazako Zerrendan genozidioan, giza eskubideen urraketan eta gerrako krimenetan zuzenean parte hartzen duten pertsona guztiei.
- Gazako eta Zisjordaniako legez kanpoko kokaguneetatik datozen produktuak inportatzeko debekua; okupazio horiei aurre egiteko, palestinarren nahitaezko desplazamendua geldiarazteko eta bi estatuen konponbidea bizirik mantentzeko helburuarekin.
- Israelgo legez kanpoko kokaguneetan bizi diren espainiar herritarrei emandako kontsul-zerbitzuak legez nahitaezkoa den gutxieneko laguntzara mugatzea.
- Palestinako Agintaritzari emandako laguntza indartzea, Europar Batasunak Rafahn duen mugako laguntza-misioan efektiboak gehituz, eta Palestinako Agintaritzarekin lankidetza-proiektu berriak ezartzea nekazaritzaren, elikagaien segurtasunaren eta laguntza medikoaren arloetan.
- Espainiak UNRWAri, Gazako herritarrei laguntza emateaz arduratzen den Nazio Batuen Agentziari, egindako ekarpena hamar milioi euro gehiagora emendatzea.
- Gazarako laguntza humanitarioaren eta lankidetzaren partida handitzea, 2026an 150 milioi eurora iristeko.
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Astelehen goizaldean 23 palestinar gutxienez hil dira Gazako hiriburuan, tartean bi haur gosetearen ondorioz. Igandeaz geroztik gutxienez 50 etxebizitza eraikin eraitsi ditu Israelek, beste 100 kaltetu, eta desplazatuen kanpamenduetako 200 denda suntsitu.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
.jpg)
Astebete igaro da Bartzelonako portutik Global Sumud Flotilla ekimeneko lehen ontziak itsasoratu zirenetik, Gaza helburu. Tunisian lurreratu berri erantzun ditu ekimeneko euskal ordezkaritzako kide Itziarrek –abizenik ez du eman nahi– ARGIAren galderak, igande... [+]
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.