Israelek Gazako bi milioi palestinarrak Rafahko hondakinen gainean eraikitako “hiri” batean pilatu nahi ditu
Israelgo Defentsa ministro Israel Katzek eman du asmoaren berri, eta adierazi du Gaza hegoaldean eraiki nahi duten "eremu humanitario" berri horrek hasiera batean 600.000 palestinar inguru hartuko lituzkeela; kontzentrazio esparru gisa funtzionatuko luke. Gaza iparraldean eginiko atentatu batean, miliziano palestinarrek gutxienez bost soldadu israeldar hil eta hamahiru zauritu dituzte. Trumpekin bildu da Netanyahu, Etxe Zurian, eta Trump Bakearen Nobel sariaren hautagai izatea proposatu du: "Munduan zehar bakea eraikitzen ari da".
aurre egingo dieten hedabide independenteak
UNRWA Nazio Batuen Erakundearen Palestinar Iheslarientzako Laguntza eta Lan Bulegoak martxoan egin zuen ikerketa baten arabera, Gazan bizi diren bi milioi palestinarretatik %90ak euren bizilekuetatik alde egin behar izan du Israelen oldarraldia dela eta. Bada, Tel Avivek lekualdatutako palestinar horiek guztiak zerrenda hegoaldeko Rafah hirian pilatzeko asmoa du, egun hondakinez beterik dagoena. Israel Katz Israelgo Defentsa ministroaren arabera, hiri horretako hondakinen gainean "eremu humanitario" berri bat eraiki nahi dute, eta hasieran 600.000 errefuxiatu hartuko balituzke ere, euren helburua da Gazan bizi diren palestinar guztiak hartzea.
Katzek jakinarazi du "eremu humanitario" hori "zaintzeko" ardura Israelgo armadak izango lukeela, eta hirira sartzeko segurtasun kontrol bat igaro beharko luketela palestinarrek, "Hamaseko kideak" ez direla egiaztatzeko. Hiriaren hainbat lekutan laguntza humanitarioa banatzeko puntuak jarriko lituzkete, antza denez, GHF Gazako Fundazio Humanitarioak –AEBen eta Israelen menpekoa– kudeatuta. Kritika asko jaso ditu erakunde horrek azken asteetan, maiatzaren amaieran zerrendan laguntza humanitarioa banatzeari ekin zionetik soldadu israeldarrek 750 palestinar inguru hil baitituzte laguntza horren bila zihoazela, Gazako Osasun Ministerioaren arabera.
Gutxienez bost soldadu israeldar hilik, atentatu batean
Egunez egun Israel Gazan bizi diren palestinarren aurkako genozidioa gogortzen ari bada ere, erresistentzia palestinarrak ez du amore ematen: The Times of Israel egunkariak jakinarazi du astearte goizaldean, Beit Hanoon Gaza iparraldeko hirian eginiko atentatu batean gutxienez bost soldadu israeldar hil dituztela eta beste hamahiru zauritu. Hamaseko adar armatua osatzen duten Al-Qassam Brigadek argitaratutako ohar batean, erakunde palestinarrak adierazi du palestinarrak eta "erresistentziako borrokalari ausartak" direla Gazaren etorkizuna erabaki dezaketen bakarrak.
Etxe Zuria bisitatu du Netanyahuk
Miliziano palestinarrek Israelgo armadaren aurka eginiko atentatuaren berri Etxe Zurian zela izan du Benjamin Netanyahu Israelgo lehen ministroak. Donald Trump AEBetako presidentearekin bildu da bertan, gehienbat joan den astean argitara atera zen Gazarako 60 eguneko menia akordioaz hitz egiteko, AEBek, Egiptok eta Qatarrek egina. Horrez gain, Netanyahuk gutun bat eman dio Trumpi, zeinaren bidez Etxe Zuriko maizterra Bakearen Nobel sarirako hautagai gisa proposatu duen. "Mundu osoan bakea eraikitzen ari da, oraintxe bertan, hitz egiten dugun bitartean", goraipatu dio Israelgo lehen ministroak Trumpi.
Gainera, Netanyahuk aldarrikatu du ekainean Iranekin hamabi egunez edukitako gatazka "garaipen ikaragarria" izan zela AEBentzat eta Israelentzat: "Israelen biziraupenari mehatxu egiten dioten bi gaitzak atzeratu zituen: gaitz nuklearra eta misilena". Irango gune nuklearrei eginiko erasoek, ordea, eztabaida piztu dute azken egunetan, ez baita zehaztu AEBen eta Israelen erasoek egindako kalteen neurria.
Izan ere, Trumpek behin baino gehiagotan adierazi badu ere Iranen gaitasun nuklearra "guztiz deuseztatu" zutela, Pentagonoak hori gezurtatu du: AEBetako Defentsa Departamentuko inteligentzia zerbitzuen txosten baten arabera, erasoek ez zituzten Irango gaitasun nuklearren "sustraiak" suntsitu, baizik eta bizpahiru hilabetez atzeratu.
Europako hainbat unibertsitatetan ikasleek abiatutako dinamikarekin bat egin du IAk, eta hurrengo deialdietara adi egoteko eskatu du.
Global Sumud Flotillan parte hartzen duen Alma itsasontziari drone bidez eraso egin diote asteartetik asteazkenerako gauean, Tunisiako kostan. Aurreko egunean berdina gertatu zitzaion ontzidiko beste itsasontzi bati eta beraz, bi egunetan pairatutako bigarren erasoa da.
Erasoaren helburu izan direnak Trumpek proposatutako su-etena negoziatzen ari zirela azaldu du Hamasek, eta bost kide hil dituztela ziurtatu; Qatarreko segurtasun indarretako beste pertsona bat ere hil da bonbardaketan. Israelek erasoa baieztatu du, eta Qatarrek “eraso... [+]
Pedro Sánchez Espainiako presidenteak adierazi du, legez arma-blokeoa ezarrita, presioa eragin nahi dutela Benjamin Netanyahurengan. Sánchezek deitoratu du nazioarteko komunitatearen zati baten “indiferentzia” eta Israelgo Gobernuarenganako... [+]
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Astelehen goizaldean 23 palestinar gutxienez hil dira Gazako hiriburuan, tartean bi haur gosetearen ondorioz. Igandeaz geroztik gutxienez 50 etxebizitza eraikin eraitsi ditu Israelek, beste 100 kaltetu, eta desplazatuen kanpamenduetako 200 denda suntsitu.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
.jpg)
Astebete igaro da Bartzelonako portutik Global Sumud Flotilla ekimeneko lehen ontziak itsasoratu zirenetik, Gaza helburu. Tunisian lurreratu berri erantzun ditu ekimeneko euskal ordezkaritzako kide Itziarrek –abizenik ez du eman nahi– ARGIAren galderak, igande... [+]
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.