Bizitza arriskuan jarri behar dute palestinarrek Gazako elikagai banaketa guneetan
Laguntza humanitarioa banatzen duten puntuetan 50 palet inguru jartzen dituzte. Bertara elikagaien bila joaten direnek ahal dutena hartzen dute israeldar eta AEBko mertzenarioen erasoen artean.
.jpg)
aurre egingo dieten hedabide independenteak
Efe agentzia bertan egon da eta informatu duen moduan, AEBko eta Israelgo Gobernuek babestutako Gazako Fundazio Humanitarioak (GHF), "SDS4" banaketa puntuan 50 palet jartzen ditu. 5.000 palestinar inguru elikagaien bila bertaratzen dira, eta korrika joan behar dira ordenarik gabe banatzen delako janaria. Guztientzat nahikoa ez dagoenez, borrokak egoten dira. Horri gehitu behar zaio israeldar soldaduek eta AEBko mertzenarioek eremua inguratzen dutela eta gerturatzen diren pertsonak tirokatzen dituztela. Honela deskribatzen du egoera Aitor Zabalgogeazkoa Mugarik Gabeko Medikuetako kideak: "Jendea goiz iristen bada eta kontrol postuetara hurbiltzen badira, tiro egiten diete. Garaiz iristen badira, baina jende asko pilatzen bada eta horiek hesiak eta alanbradak saltatzen badituzte, tiro egiten diete. Berandu iristen badira, ez lukete han egon behar ‘ebakuatutako eremua’ delako eta tiro egiten diete".
Banaketa puntua ez dute beti ordu berberean irekitzen eta zabaltzen dutenean ez dago ordenarik, Zabalgogeazkoaren hitzetan: "GHFko langileek paleak eta elikagai kutxak erortzen utzi eta hesia irekitzen dute. Milaka pertsona batera sartzen dira, azken arroz alea hartzeko borrokatzeko". Efe bertaratu zen ekainaren 24an, eta azaldu duenez, banaketa puntua irekitzerakoan tanke bat agertu zen eta pertsonak tirokatu zituen. Tiroak amaitu ondoren, berriz ere abiatzen dira korrika janaria lortzeko. Elikagaiak agortzen direnean, mertzenarioek berriz ere tiroak eta bengalak jaurtitzen dituzte han geratzen diren pertsonak kanporatzeko.
Eferen datuek diote banaketa puntuetan 580 pertsona baino gehiago hil eta 4.200 zauritu dituztela. Haaretz egunkariak azaldu duen moduan, "israeldar soldaduek beren komandanteen oniritzia dute zentro horietan armarik gabe dauden palestinarrei tiro egiteko, nahiz eta tropentzat inolako mehatxurik ez izan".
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]