Israelek Gaza argindarrik gabe utzi dezake
Gazako zerrendan energia ekoizten duen zentral bakarra erregairik gabe dago iragan igandetik. Israelek ezartzen duen itsasoko, aireko eta lurreko blokeoak ez die uzten erregai gehiago erosten. Berehalako argindar mozketak larriki kaltetu dezake eskualde palestinarra, ospitaleetan eta azpiegituretan, batik bat.
Israelek Gazako Zerrendaren aurkako blokeoa estutu du azken egunotan, eta horren ondorioz, bertako palestinarrek muturreko krisi energetikoa jasango dute. Gazako konpainia elektrikoak atzo ohartarazi zuenez, palestinarren kontrolpeko kokalekuan dagoen zentral energetiko bakarra hornikuntzarik gabe dago igandetik, blokeoaren erruz. Ia bi milioi biztanle elektrizitaterik gabe geratuko dira, ospitaleak eta oinarrizko beste hainbat zerbitzu barne.
Gazako zentral elektrikoak bertako energia kontsumoaren %35a ekoizten du, eta gainontzekoa erostera behartuta daude: erasoaldiari tinko eusten dion Israeli eta Palestina aspalditik salduta utzi duen Egiptori, gehienbat. Gazan ohikoak dira eskasia horrek bultzatutako argindar mozketak. Orain, ordea, zuzenean erregaia lurraldean sartzea galarazi dietenez, elektrizitate planta bakarrak energia sortzeari utziko dio. Egoera bestela ere ez da ona gainera, Gazako bi milioi biztanleen erditik gora pobrezia mugaren azpitik bizi baitira, Munduko Bankuko datuen arabera.
Erregimen sionistaren tankeek bonbardaketa berriak egin dituzte Gazako zerrenda setiatuan Palestinako Erresistentziaren kontra, Israelgo Defentsa Indarren (IDF) txostenen arabera. Israelgo Gai militarretarako ministerioak ohar baten bidez jakinarazi duenez, Hamas Palestinako Erresistentzia Islamikoaren Mugimenduak erasoak burutu ditu Gaza iparraldetik. Jaurtiketak ustezko “globo su-eragile batzuei erantzuteko” egin ziren, Israelek okupatutako lurraldeekin muga egiten duten zonaldeetatik bidalitakoak. Gazak maiz jasotzen ditu halako erasoak, era guztietako aitzakien pean. Hamas mugimendu palestinarrak ohartarazi duenez, Tel Avivek “iritzi publikoa bere barne krisi sakonetik desbideratzeko asmoz” egin ditu erasook.
Tentsioaren gorakada
Azken egunotan tenperatura igotzen ari da Ekialde Hurbilean. Sionistek Gazako zerrenda bonbardatzen duten aldi berean, Arabiako Emirerri Batuek Israelekin harremanak “normalitzatzeko” erabakia iragarri dute, palestinarren haserrea piztuz. Horrez gain, Israelgo indar okupatzaileek gazte palestinar bat hil dute tiroz Al-Quds hirian, HispanTV hedabideak jakinarazi duenez. Gertakariaren ostean, polizia israeldarrak Jerusalemgo Al-Aqsa meskita itxi du.
“Zuen koloniak hiri mamu bihurtuko ditugu”
Zailtasunak zailtasun, palestinarrek ez dute amorerik ematen. Duela hiru aste Hamasek indar erakustaldia egin zuen Mediterraneora misilak jaurtiz. Horrekin batera, ohar zuzena helarazi zion Israeli: “Hamasek milaka misil ditu, eta okupatzaileak gure herria erasotzen ausartzen badira, zuen koloniak hiri mamu bihurtuko ditugu”, egin zuen mehatxu Palestinako Erresistentzia Islamikoaren Mugimenduko Gazako buruzagi Yahya Sinwar-ek.
“Gazako sarraskiak gerra gertaerak dira, eta erruduna Hamas da. (...) Ez dut inondik inora lotsagorritu beharrik borrokak eramateko Israelen moldeaz. (...) Denak poztuko lirateke Israelek lana bukatuko balu”. Haïm Korsiaren hitzak dira, Frantziako Rabbi... [+]
Centre Delas erakundearen txosten batek 2023ko urriaz geroztik Tel Avivek eta Madrilek adostu dituzten armamentu salerosketak atera ditu argitara. Ikerketaren arabera, Espainiako Estatuko eta Israelgo enpresek ez dituzte inoiz hainbeste proiektu garatu elkarrekin, eta Israelgo... [+]
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Trumpek Gazarako behin baino gehiagotan proposatutako garbiketa etnikoarekin jarraituko du Tel Avivek. Netanyahuk sare sozialetan jakinarazi duenez, Israelek milaka erreserbista deitu ditu Gazaren aurkako setioa gogortzeko eta "erabateko garaipena" lortzeko.
Nazioarteko ekimenak igandean argitaratutako prentsa ohar batean jakitera eman duenez, Maltako Gobernuak bonbardatutako itsasontzia konpontzeko asmoa erakutsi du. Askatasunaren Ontzidiak eskatu die Maltako agintariei itsasontzia herrialdeko uretan sar dadila. Israelen erasoak... [+]
Deshumanizazioa barru-barruraino sartu da Mendebaldeko botereetan, eta axolagabekeriaz begiratzen diote Gaza pairatzen ari den holokaustoari; Gazan, bonbek hiltzen ez bazaituzte, goseak hilko zaitu.
Gure itsasontzia bonbardatu duten honetan inpotentzia erabatekoa da, gu ondo... [+]
Ostegunetik ostiralerako gauean dronekin egin diote eraso Gazako blokeoa apurtu eta genozidioa salatu nahi duen nazioarteko ekimenaren itsasontziari, Maltatik hamahiru miliara, nazioarteko uretan. Aktibisten artean Mikel Zuluaga Mikelon euskal herritarra dago. “Hemen hau... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.