Israelek erasoak gogortzeko mehatxua egin du, suziri palestinarrak gelditzen ez badira

  • Israelek suziri bidezko erasoak bertan behera uzteko eskatu dio Palestinari. Gainera, mehatxua areagotu du: datozen 36 orduetan Hamasek erasoak gelditzen ez baditu, oldarraldia handituko duela jakinarazi du Israelgo ekonomia ministroak. RTk jakinarazi duenez, beste 15 pertsona inguru hil dituzte bonbek gaur goizaldean.


2012ko azaroaren 19an - 00:00
Azken eguneraketa: 2015-02-26 13:37:33
Bonbardaketak gogortu egin dira Gazan.

Israelgo agintarien adierazpen horiek berehala eragin dituzte erantzunak: Irango Parlamentuko presidente Ali Lariyanik inguruko herriei esan die Siriaren aurka bonbaka jardun beharrean Palestinari lagundu behar zaiola, armak eta soldaduak bidaliz. Aldiz, Barack Obama AEBtako presidenteak Israelen defendatzeko eskubidea babesten duela jakinarazi zuen atzo.

Erasoa hasi zenetik egunik odoltsuena izan zen atzokoa: 35 pertsona hil ziren guztira. Gaur goizaldean izandako bonbardaketek ere hainbat hildako eragin dituzte eta azken sei egunetan guztira 85 lagun inguruk bizia galdu dutela jakinarazi du Associated Press agentziak.

Asteazkenean, Babeserako Oinarria operazioa martxan jarri zenetik, Israelek, 1.350 leku bonbardatu ditu. Atzo “su etenera iristeko akordioa ia lotuta zegoela” jakinarazi zion Hamaseko ordezkari batek Al Jazzera telebista kateari. Baina adierazpenak egin eta ordu gutxira negoziazioak eten ziren eta bonbardaketak jarraitu egiten dute.

Anonymous hacker taldeak berriz, Israelen aurkako ekintzak hasi ditu eta mundu osotik Interneteko blokeoak egiten saiatu da. Lehen ekintzak, 5.000 funtzionario israeldarren datu pertsonala kaleratzea eta Israelgo 700 webgune baino gehiago blokeatzea izan dira, horiean artean Tel Aviveko gobernuaren webgunea, Jerusalengo kutxa eta Israelgo Barne Ministerioa.


Kanal honetatik interesatuko zaizu: Palestina
2024-05-27 | ARGIA
Israelen "sarraski ankerra" Rafahko iheslarien kanpaleku batean, gutxienez 45 palestinar hilak

Astelehen goizaldean egin du erasoa Israelek, eta kanpin-dendez osatutako Nazio Batuen errefuxiatuentzako guneak su hartu du. Mugarik Gabeko Medikuak gobernuz kanpoko erakundeak adierazi du hamarnaka gazatar hildako eta zauritu jaso dituztela eta Gazan ez dagoela "toki... [+]


Hamasek suziriak bota ditu Tel Aviven aurka, sei hilabetetan lehen aldiz

Sirenak entzun dira Tel Aviv eta Israelgo beste hiri batzuetan. Sionisten aire defentsarako sistemak jaurtigai gehienak geldiarazi ditu, baina zauritu bat izan da gutxienez, Israelgo iturrien arabera. Armada sionistak Rafah bonbardatzen jarraitu du Nazioarteko Justizia... [+]


Nazioarteko Justizia Auzitegiak Rafah-ko oldarraldia eteteko agindu dio Israeli

Rafah eta Egipto arteko igarobidea irekitzeko ere agindu dio, laguntza humanitarioa sartu dadin. NBEko ikertzaileei sarbidea bermatu beharko die, eta hilabeteko epean epaitegira itzuli beharko du Israelek. Adituen arabera, sionistek ez dute agindua beteko.


Gazako sarraskia arbuiatzen ez duten unibertsitate israeldarrekin harremanak eten ditu NUPek

Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]


Eguneraketa berriak daude