Leioako Gaztelueta Ikastetxeak sexu erasoen salaketa bat ukatzera "bultzatu" ditu ikasle eta irakasleak

  • Leioako Gazteluetako ikasle batek irakasle bat salatu zuen 2015ean, sexu erasoak egitea leporatuta. El Diariok argitaratu duenez, ikastetxeak 25 ikasle eta irakasle “bultzatu” zituen salaketa ukatzen duen dokumentu bat sinatzera. Ikaskide batek, aldiz, arrazoia eman dio biktimari.

Ainhoa Bretos @ob_ainhoa
2017ko urtarrilaren 24a

Gaztelueta Opus Deiko Ikastetxeak “eskura zituen bideak erabili ditu irakasleak egindako delitua estaltzeko”. Horrela jasotzen du ikaslearen salaketak. Zehazki, salaketa ukatzen duten 25 akta ditu Emilio Lamo Espinosa epaileak. Biktimaren familiaren arabera, ikastetxeak hainbat ikasle eta irakasle “bultzatu” zituen dokumentu horiek sinatzera, “J.M.M.S irakaslearen irudia garbitzeko asmoarekin”.  Espainiako Estatuko autoritate handiko familia bateko kidea da salatua.

Imanol Goyarrola Gazteluetako zuzendariak adierazi duenez, “hasieratik eman diote sinesgarritasuna salaketari”. Bestalde, azaldu du ikastetxeak “harridura handiarekin eta mesfidantzarekin” hartu zituela akusazioak.

Ikerketa judiziala abiatu eta hilabete batzuetara sinatu zituzten 25 aktak, 2015eko abenduan. Horien arabera, “J.M.M.S irakasleak ikasleak errespetatu egiten ditu erabat”. Biktimak azaldu zuenez, erasoak tutoretzak egiten zituzten bulegoan gertatu ziren. Baina dokumentuetan sinatu dutenez, “edonork” erabili dezake bulego hori, eta “ez da inoiz barrutik itxita egon”.  

Biktimaren ikaskide izandako batek, aldiz, isiltasuna apurtu eta salaketak dioena baieztatu du. Deklarazioak egin ditu lekuko modura, eta azaldu du salatzaileak gainerakoek baino tutoretza gehiago eta luzeagoak izaten zituela: “hilabetean hamabost minutuko tutoretza bat edo bi izaten genituen. Berak, ordea, astean hiru bat izaten zituen, eta ordu betekoak”. Horrez gain, adierazi du ikasgelan denek egiten ziotela burla biktimari, irakaslearen bikotea zela esanez.  

Biktimaren familiak “isiltasun konspirazioa” salatu du Opus Deiko ikastetxearen aldetik

Gazteak 2015ean egin zuen salaketa. Horren arabera, sexu erasoak jasan zituen 2008-2010 bitartean bere irakasle zenaren aldetik. 12 eta 13 urte zituen ikasleak orduan. Familiak adierazi duenez, kasuak txarrera egin du azken urtean, gazteak arazo psikologiko eta psikiatriko larriak baititu. Biktimaren aitak “isiltasun konspirazioa” salatu du Gazteluetaren aldetik: “Gertatutakoa estali dute, eta familiak kalumniak sufritu ditu zentroaren aldetik”.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sexu Erasoak  |  Leioa  |  Adingabekoen eskubideak

Sexu Erasoak kanaletik interesatuko zaizu...
2018-09-09 | Inma Errea
Ezetzaren ertzak

Uztailak 6. Iruñeko festak hastear. Kale-hamarretakoak nonahi. Banku publikoz hornitutako kantoi batean, mutil gazte batzuk mintzo ozenean. Ezetzaz ari dira. Baten galdea: ezetza al da baietz ez esatea?

Argia da kezka: jakitea nola jokatu hastear diren festetan. Galduta, edo salduta, sexu-grina estreinatu berriaren eta portaera egokien arteko zalantzetan. Nerabe-kalakan, haien parera andre heldua, ni, iritsi arte –esku gorria paparrean, nahitaezko osagarri sanferminetako... [+]


2018-09-04 | Nahia Ibarzabal
Elkarretaratzea egingo da Donostian igandeko sexu erasoa gaitzesteko

Donostiako Udalak deitu du asteartean eguerdiko 12:00etan Alderdi Ederren egingo den kontzentraziora.


2018-09-03 | Nahia Ibarzabal
Emakumezko bat bortxatu dute Donostian

Zurriola hondartzan gertatu da erasoa igande goizaldean. Ertzaintza erasoa ikertzen ari da eta momentuz ez dago atxiloturik.


2018-08-30 | Nahia Ibarzabal
Salmondek dimititu egin du sexu-eraso salaketa batzuen ondorioz

Eskoziako lehen ministro ohiak sexu-erasoak egin izana ukatu du. Hala ere, Eskoziako Alderdi Nazionalistaren (SNP) barne-zatiketak saihesteko dimisioa aurkeztea erabaki du.


2018-08-20 | Nahia Ibarzabal
Bi eraso sexista salatu dituzte Bilboko Konpartsek

Larunbat gauean izan ziren eraso sexistak Bilboko Konpartsek jakitera eman dutenez eta gertatutakoa salatzeko elkarretaratzea egin dute igandean “kaleak, gauak, jaiak emakumezkoenak ere” badirela salatzeko.


2018-08-08 | Nahia Ibarzabal
Adingabe bati egindako sexu erasoarekin lotuta bi gazte identifikatu dituzte Gasteizen

Sexu-erasoa asteazken goizaldean gertatu da Gasteizen eta momentu honetan gertaera ikertzen jarraitzen du poliziak.


La Manadako bortxatzaileak dispertsioaren aurkako pegatinak jarrita ibili ziren Sanferminetan

La Manadako kideak euskal preso politikoen dispertsioaren aurkako pegatinak paparrean jarrita ibili ziren Sanferminetan bost gizonen artean emakume bat bortxatu zuten gauean, beraiek beren buruari grabatutako bideoetan ikus daitezkeenez.


2018-08-02 | Nahia Ibarzabal
Adingabe bat espetxeratu dute bere nebak bortxatu ondoren haurra abortatzeagatik

Indonesiako adingabearen ama ere atxilotu egin dute alabari abortatzen laguntzeagatik, Publicok jakinarazi duenez.


2018-08-02 | Nahia Ibarzabal
'La Manadako' kide bat atxilotu dute lapurtzen eta bi zaindari autoarekin harrapatzen saiatu ostean

Ángel Boza asteazkenean atxilotu dute Sevillan, merkataritza gune batean eguzkitako betaurrekoak lapurtzen saiatu ondoren, bere atzetik joan diren bi zaindari ibilgailuarekin harrapatzen saiatzea egotzita.


Azkenak
EGILEA
Eguneraketa berriak daude