Ipar Euskal Herrian laborantza ekologikoa sustatzen duen BLE Biharko Lurraren Elkarteak antolatzen ditu Asunak topaketa biologikoak. 19. edizio honetan 'Laborantza eta klima' mahai-ingurua aurkeztuko da jende aurrean goizeko 10:30etatik aurrera. Partaideok mintzatuko dira bertan: Jean-Sébastien Laumond (Collectif Paysage de l’Après-Pétrole), Quentin d’Hoop (Landetako Saubriguesen biologikoan ari den baratzezaina) eta Euskal Herriko Laborantza Ganbara.

"Klimaren gehiegizko beroketa mugatzeko –diote antolatzaileek– eta hartara egokitzeko, laborari bakoitzari bere lanbideari atxikitzeko eta herritar guztiei bermatzeko elikadura kalitatezko iraunkor bat, BLEk berrestsi nahi du beharrezkoa dela gure lurraldeetan garatzea laborantza biologiko bat, gizakiaren neurrikoa, input urrikoa, lurraldean errotua eta lurraldeari egokitua, zeinetan laborariak izango baitira beren erabakien nagusi".

Hona irailaren 8ko egitaraua:

- 09.30etatik 17:00etara, egun osoan Merkatu Biologikoa eta informazio mahaiak.

- 10.30etan mahai-ingurua: "Laborantza eta klima".

- 11:30etan tailerra: "Erleen mundua ezagutzeko".

- 12:15etan haurrentzat tailerra: "Landareetarik zure tinduak egiteko".

- 13:00ean tokiko bio bazkaria (prezioak: 18 euro helduentzat, 9 haurrentzat)

- 15:00etan erakustaldia: "Lur lanak kabalekin egiteko".

- 15:00 aurkezpena: "Euskal Herriko kontsumo ohidurak".

- Ostatuan talo eta matahamiak, musika (Tefalo) eta abar.