Iparraldeko baratzezainak kinka larrian dira haize-ekaitzengatik, ohartarazi du BLE-k

  • Laborantza ekologiko edo biologikoa sustatzen duen Biharko Lurraren Elkarteak (BLE) ohar bat plazaratu du herritarrei jakinarazteko azken hilabeteotako eguraldi gaiztoek benetan egoera larrian uzten dituztela Ipar Euskal Herriko laborariak eta bereziki baratzezaintzan ari direnak. PAC diru-laguntzetatik baztertuak daudela salatuta, nekazariokiko elkartasuna eskatu die gainerako herritarrei.


2020ko martxoaren 06an - 12:55

Ehun bat nekazari ari dira gaur egun barazki ekoizpenean, nagusiki abeltzaintzari emanak dauden Ipar Euskal Herriko laborarien artean. 100 hektarea baino gehigo lur lantzen dituzte, horietatik 10 hektarea tunel edo negutegiz babestuak. Baina, BLEk ostiral honetan plazaratutako oharrean azpimarratu duenez, hilabete eta erdian aurre egin behar izan diete lau haizete eta ekaitz gogorri, oso bitarteko gutxi daukatela eragindako kalteei: tunelen eraistea, haizeak plastikozko estalkiak lehertu eta eramatea, barazki uztak hondatzea... Horregatik, "baratzezainek, fruituzainek, tunelak erabiltzen dituzten hazleek gure baldintza gabeko sustengua behar dute momentu honetan; sustengu hau forma askotan ekarria izaiten ahal da, bakotxaren ahalen arabera".

Karrikako jende askok gero eta gehiago estimatzen duela eta urtero Iparraldean hiruzpalau laborari berri barazkigintzan hasten dela gogoratuta, BLEk mahai gainera atera du Iparraldeko baratzezainek zein baldintza neketsuetan egin behar duten lan: PAC diru-laguntza europarrak bazter uzten ditu, aseguru sistemak oso garestiak zaizkie eta ez daude baratzegintzaren lan moldeetara egokituta. Gero eta sarriago –klimaren zoratzea tarteko– gertatzen diren ekaitz eta muturreko fenomenoek eragindako kalteez gain, baserritarroi ordaindu gabeko lan ordu asko eragiten dizkie eta etsipen handia behin eta berriro eraikitakoa suntsitzen ikusita.

Herritar eta kontsumitzailei elkartasuna eskatuta, Iparraldeko agintariei dei egiten die BLEk lekuko elikadura sustatzeko berrikitan hartu dituzten erabakiak ekintza zehatz bihurtu ditzaten.


Kanal honetatik interesatuko zaizu: Laborantza
2024-03-18 | Garazi Zabaleta
Nekazariak eskolan
Eskola ezin bada baserrira igo, baserria jaitsiko da ikastetxera...

Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]


Nafarroako nekazaritza-ekoizpen ekologikoak lurren %25 kudeatu nahiko lituzke 2030ean

Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]


Semilla y Belarra elkartea sortu dute Nafarroako O6 nekazarien mugimendutik

Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.


2024-03-14 | Leire Artola Arin
EAEko nekazaritza lurren %5ak soilik dauka ziurtagiri ekologikoa

Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.


2024-03-11 | ARGIA
“Talka-neurriak” adostu ditu Eusko Jaurlaritzak nekazaritza sindikatuekin

Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]


Eguneraketa berriak daude