Ipar Euskal Herrian etxeratze agindua 20:00etatik 18:00etara pasako dute larunbatetik aurrera
Jean Castex Frantziako Lehen ministroak hitza hartu du COVID-19ari dagokionez harturiko erabaki berriak plazaratzeko. Bere ondoan ukan ditu beste hainbat ministro: Kultura ministroa, Osasun Ministroa, Ekonomia Ministroa eta beste. Frantziako Estatuan izurritea "kontrolatua" bada ere, egoerak "hauskorra" izaten segitzen duela argi utzi du. Frantziako gobernuko kideek ez dute, ordea, oraindik konfinamenduaren beharrik ikusten.
Etxeratze agindua 20:00etatik 18:00etara pasako da Ipar Euskal Herriko herritarrentzat larunbatean, eta hori gutxienez bi asterentzat. Orokorrean, Frantziako Estatuaren menpe diren herritar guztiei bideratuko zaie neurri berri hau. Azken aste hauetan soilik departamendu bakar batzuek zuten 18:00etan etxeratzeko manua –kutsatze tasa altuena zuten departamenduek– baina aldi honetan, guztiei aplikaraziko diete neurria. Castex Lehen ministroaren zifren arabera, etxeratze agindua 18:00etan zeukaten departamenduetan kutsatze kopurua "bi ala hiru aldiz apalagoa" izan da 20:00etan zeukaten departamenduei konparatuz. Hori horrela, neurria orokortzeko erabakia hartu dute.
Haatik, konfinamenduaren beharrik ez dute oraindik ikusten, nahiz eta argi utzi egoerak okertzen baldin badu, konfinamendua egon egonen dela.
Frantziako Estatuan izurritea "kontrolatua" bada ere, egoerak "hauskorra" izaten segitzen duela argi utzi du. 23.852 kutsatze berri izan dira azken 24 orduetan, eta 232 heriotz gehiago –69.000 heriotzen kopurua gainditurik da Frantziako Estatuan–.
Lehentasuna: txertoak
"Drama" honen aurrean txertoa da aterabidea Lehen ministroaren arabera. "Pazientzia kolektiboa" eskatzen du, txertatze orokortua ez delako ondoko hilabeteetan etorriko. Hala ere, "nahi duen oro txertatua izanen da", Osasun ministroak segurtatu duenez. Gaurko egunean, 300.000 bat lagun txertaturik dira Frantziako Estatuan, tartean 190.000 osasun arloko langile. Helburua argiki finkaturik dute eta beteko dutela azpimarratu du Osasun ministroak: hilabete bukaerako milioi bat lagun txertaturik izango dira Frantziako Estatuan. Astelehenetik aurrera, 75 urtez goragoko edozein pertsona zaurgarri txertatzen ahalko da, 700 bat gunetan, hitzordua aitzinetik hartuz gero.
Krisi ekonomikoaren aurrean, laguntzak
Krisi ekonomikoak gogor jotzen duela eta, enpleguak eta enpresak mantentzea jarri dute lehentasun gisa, beste behin ere. Azkenik aipaturiko sektorea, kulturarena. Roselyne Bachelot Kultura ministroak argi utzi du: "Maleruski, oraingoz, jendearentzat itxita dauden kultura-lekuekin bizitzen segitu behar dugu". Kultura arlokoen kezken aurrean, Bachelotek zehaztu du gobernuak "ezarritako laguntza espezifikoek" aurrera segituko dutela. Sektoreko eragileekin "elkarrizketak" segitzeko garrantzia ere azpimarratu du.
Ostatu eta jatetxeei begira harturiko hiru neurri ere azaldu ditu Ekonomia ministroak: hasteko, orain arteko laguntzek segituko dute. Bestetik, orain arte indarrean egon den 10.000 euroko laguntza orokorra "negozio-bolumenaren ehunekotan pasatuko da" negozio-bolumenaren %70 galdu dutenentzat. Laguntza 200 000 euro artekoa izan daitekeela zehaztu du. Estatuak bermatutako maileguei dagokienez, adierazi duenez, nahi izanez gero, enpresek urte bat gehiago izango dute dirua itzultzeko.
"Helburutzat dugu zero karga sozial, eta hori kulturan, kirolean, sukaldaritzan zein ostalaritzan gogor penalizatutako enpresentzat", Ekonomia ministroaren hitzetan. Mahastizaintzako sektorea ere lagunduko dutela argitu du, krisiarekin lotutako zailtasunak estutu egiten baitira Ameriketako Estatu Batuetako zigorren ondorioz –Trump zerga dela eta, are gehiago zergapeturik dira gaur egun arnoen esportazioak–.
Egoera larria unibertsitateetan
Bestalde, goi-mailako hezkuntzan "kezka handia" dagoela badakitela zehaztu du Lehen ministroak. Hain zuzen, kurtso presentzial arras guti izanki, ikasleen egoera emozionala txarrenean da gaur egun. Hori horrela, unibertsitateko lehen urtekoentzat "talde txikitan" presentzilean eginen dira kurtso bakar batzuk, urtarrilaren 25etik aitzina. Neurri hori gainerateko ikasleei ere zabaldu ahal izango zaie, "osasun-egoerak uzten badu".
Bestela, izan lehen mailan, kolegioetan zein lizeoetan eskolek irekita segituko dute, babes-neurriak azkartuz. Kantinei dagokionez, arreta eta babes-neurri handiagoak hartuko direla zehaztu du Hezkuntza ministroak. "Inoiz baino gehiago sinesten dugu eskolak irekita edukitzea oso garrantzitsua dela" Jean-Michel Blanquer Hezkuntza ministroaren hitzetan.
Pandemiak agerian utzi ditu, bere gordintasun osoan, zaharren, haurren eta dependentzia egoeran dauden herritarren arreta-eredu neoliberalaren ondorioak. Konfinamendu garaian loratutako diskurtso kritiko eta alternatiba komunitarioak sendotzeko unea da orain”. Horrela hasi... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]