Iñigo Urkullu hirugarrenez izango da lehendakari, oraingoan gehiengo absolutuz
Eusko Legebiltzarrak Iñigo Urkullu aukeratu du Araba, Bizkaia eta Gipuzkoako lehendakari kargurako, eta buruzagi jeltzaleak hirugarren agintaldiari ekingo dio Eusko Jaurlaritzan. EAJko hautagaiak aldeko 40 boto jaso ditu, eta Maddalen Iriarte EH Bildukoak 21. Larunbatean egingo du Urkulluk karguaren zina, Gernikako juntetxean.
Ostegun arratsaldean egindako bozketan, Eusko Legebiltzarrak hirugarren aldiz EAEko lehendakari karuga eman dio Iñigo Urkullu Renteriari, oraingoan gainera gehiengo absolutuz gobernatzeko aukerarekin. EAJko lehendakarigaiak jeltzaleen 30 legebiltzarkiderenak bildu ditu, COVID-19a dela eta berrogeialdian dagoen Irune Berasaluzek ez baitu bozkatzeko aukerarik izan, eta haiekin berriro koalizioa osatu duen PSE-EEko 10 legebiltzarkideenak ere bai. -berrogeialdian dagoela eta, ezin izan du botorik eman Irune Berasaluzek- eta PSE-EEko hamarrenak.
Bigarren hautagaiak EH Bilduko Maddalen Iriarte zen eta bere alderdiak azken hauteskundeetan lortutako 21 parlamentariren botoak jaso ditu. Aurretik iragarria zutenez, Elkarrekin-Podemosekoek abstentziora jo dute eta gisa berean jokatu dute PP-Ciudadanos koaliziokoek eta Voxekoek.
Inbestidura berriaren ostean, ondo bidean 12 urte karguan osatuko dituen Iñigo Urkulluk esker onezko hitzak izan ditu legebiltzarkideentzako: «Nire esker beroena sailburu guztioi eta beraien lantaldeei. Ohore handiena da Euskadiko Lehendakaria izatea, apalik eta ardura osoz hartzen dudan erantzukizuna. Beti ere Euskadiren alde».
Lehendakariaren kargu hartzea larunbat eguerdian izanen da Gernikako juntetxean.
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]