Indiak 6.000 koronabirus kasu berri zenbatu ditu egun bakarrean, orain arteko zifrarik altuena

  • 118.000 kutsatu daude herrialdean, horietatik 3,583 hildako. Ostiralean kaleratutako datu berriek 6.000 kasu berri eman dituzte egun bakarrean, orain arte emandako daturik altuena. %5eko igoera izan dute kutsatze berriek.


2020ko maiatzaren 22an - 12:49
Indiako Polizia, tenperatura kontrolak egiteko gailuekin. Argazkia: AS English.

Herrialdea oraindik konfinatuta dago, hilabete amaierara arte momentuz, baina neurriak leundu ditu Gobernuak, eta tokian-tokiko agintarien esku utzi du krisiaren kudeaketa. “Kasuen gorakada hau jendearen mugimenduak baimentzen hasi direlako gertatu da. Baina ikuspegi orokor batetik, munduko gainontzeko lekuetan baino igoera esponentzial txikiagoa izan da”, adierazi dio Reutersi Giridhar Babu Indiako Osasun Publikoko Elkarteko epidemiologiako irakasle batek.

973 kutsatu berrirekin, egoera berean dago Indonesia. Herrialde horretan ere orain arteko datu altuenak jaso dituzte ostiralean, guztira 20.796 kutsatura eta 1.326 hildakora helduz.

Bi aldiz krisi

Indian, koronabirusari hondamendi naturalak batu zaizkio. Amphan zikloiak, azken hamarkadetako bortitzena, gogor jo ditu India eta Bangladesh mugakideak. Gutxienez 82 pertsona hil dira, gehienak elektrokutatuta, edo eroritako arbolek jota.

Hiru milioi eta erdi biztanle ebakuatu dituzte, eta horri eskerrak ez dira izan gehiago hildakoak. Dena den koronabirusak zaildu egin ditu ebakuazio lanak; segurtasun neurriak mantentzearren aterpeak ezin izan baitituzte guztiz bete. Baina giza kalteez gain, kalte materialak ere eragin ditu zikloiak: 400 kilometroko lurraldean etxeak, kaleak eta estolda sistemak suntsitu ditu. Horren aurrean, 130 milioi dolarreko larrialdi funtsa hitz eman du Gobernuak.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude