Bengalako golkoko krisiak jauzi kualitatiboa egin du jada Bangladeshen: estatu-kolpearen izena ez, baina izana baduen mugimenduan, Sheikh Hasina lehen ministroa agintetik kendu eta erbestera joanarazi du Armadak. Baina Bangladeshko krisi politikoak lehen bezalatsu jarraitzen du, hitzetatik harago aginte berriak hartu beharko dituen neurrien zain. Eta auzoko bi potentzia erraldoien, India eta Txinaren, buruhauste potoloa izaten jarraituko du.