Lege proposamena aurkeztu du EH Bilduk, “independentea” litzatekeen erakundea legez sortzeko. Informazioaren arloan “aniztasuna, neutraltasuna eta baliabide publikoen independentzia” sustatuko luke, eta euskararen erabilera bultzatu, besteak beste.
EH Bilduko ekimena Jasone Agirre legebiltzarkideak azaldu du astelehen eguerdian. Bere hitzetan, Ikus-entzunezko Hedabideen Euskal Kontseiluaren helburua “euskal esparruko ikus-entzunezko edukiak arautzea izango da, bai eta zigor arauak ezartzea ere, komunikabide publiko zein pribatuetan eta gainontzeko ikus-entzunezkoetan, eta era berean erakunde aholkularia eta proposatzailea ere izango da”. Telebistan, irratian zein Interneten eragingo luke. Erakundeak bermatu beharko lituzke “komunikazioaren askatasuna, informazioaren aniztasuna, neutraltasuna eta baliabide publikoen independentzia eta inpartzialtasuna”, eta sustatuko lituzke euskararen “ezagutza eta erabilera”, akordioak Nafarroako eta Ipar Euskal Herriko erakundeekin, edo “berdintasunezko parte hartzea” gizon eta emakumeen aldetik.
Beharra eta anomalia
“Gaur egungo euskal komunikazio esparruan ikus-entzunezkoek ez dituzte inondik inora asetzen geure beharrak herri bezala, eta kanpoko parametroetara, kanpoko hizkuntza, kultura, identitateetara ari gara egokitzen”, adierazi du Agirrek Kontseiluaren beharra argudiatzeko. Azaldu du “anomalia” bat dela EAEn kontseilua ez egotea, Europako hainbat estatuk edo Andaluziak eta Kataluniak jada badutela azpimarratuz. Gaur aurkeztutako lege proposamena ekainaren amaieran edo irailean legebiltzarrean bozkatzea espero du EH Bilduk.
🎬 @AgirreGarita-k zehaztu ditu Ikus-entzunezko Hedabideen Euskal Kontseiluaren helburuak:
— EH Bildu Legebiltzarra (@ehbildu_legebil) May 24, 2021
✅Komunikazioaren askatasuna bermatzea
✅Informazioaren aniztasuna, neutraltasuna eta baliabide publikoen independentzia sustatzea
✅Euskararen erabilera sustatzea
✅Berdintasuna sustatzea pic.twitter.com/nnTvuvIgqa
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
Donostiako Kursaal aretoan egindako ekitaldi batean aurkeztu du EITBk ostiralean Makusi, haur eta gaztetxoentzako euskarazko plataforma. Makusi.eus webgunean ikusgai dago jada, eta app ere ere eskuragarri dago. Doako haurrentzako euskarazko lehen plataforma... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]
Mundualdi honen soinu-banda osatzen duten abesti gehien-gehienek propio filmatutako irudiak izan ohi dituzte: bideoklipak. Musikariengandik oso gertu, ikus-entzunezko egileen belaunaldi gazteago batek lan horretan aurkitu du zineman edo telebistan ez duen hori: trebatzeko... [+]
Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]